توقايەۆ جەمقورلىق تۋرالى: ۇلتتىق قاۋىپسىزدىككە قاتەر توندىرەدى
«وبلىستا جەمقورلىققا قارسى كۇرەس ساياساتىن كۇشەيتۋ كەرەك. جەمقورلىقتى جويۋ بارلىق دەڭگەيدەگى اكىمدەر جۇمىسىنىڭ نەگىزگى كورسەتكىشى بولادى. اكىمدەرگە جەكە جاۋاپكەرشىلىك جۇكتەلەدى»، - دەدى مەملەكەت باسشىسى.
پرەزيدەنت ەل ەكونوميكاسىنىڭ دامۋى مەن حالىقتىڭ ءال-اۋقاتىنىڭ ارتۋى جەمقورلىقپەن كۇرەستىڭ ناقتى ناتيجەلەرىنە تىكەلەي بايلانىستى ەكەنىن اتادى.
«بۇل قوعامدىق كەسەل ۇلتتىق قاۋىپسىزدىككە قاتەر توندىرەدى. الايدا بۇل ماقساتقا جەتۋ ءۇشىن تەك جازالاۋ شارالارى جەتكىلىكسىز. مۇنى الەمدىك تاجىريبە دالەلدەدى. سوندىقتان قوعامدىق باقىلاۋدى كۇشەيتۋ قاجەت. ازاماتتار قوعامدىق ومىرگە بەلسەنە ارالاسۋى كەرەك»، - دەگەن مەملەكەت باسشىسى.
ەسكە سالا كەتسەك، كەشە قاسىم-جومارت توقايەۆ اتىراۋ وبلىسىنا جۇمىس ساپارىمەن كەلگەندىگى تۋرالى حابارلاعان بولاتىنبىز.
