جوتەل مەن سۋىق تيگەنگە قارسى قولدانىلاتىن دارىلەردىڭ ءبارى پايدالى ما؟
سول سەبەپتەن بالاڭىز مەكتەپتەن جوتەلىپ نەمەسە مۇرنى بىتەلىپ، تۇماۋ ءتيدىرىپ قايتۋى ابدەن مۇمكىن. مۇنداي جاعدايدا قانداي دارىلەردى پايدالانعان دۇرىس؟
Foxnews جاڭالىقتارىنا سايكەس، مۇنىڭ الدىن الۋ شارالارىنىڭ ەڭ ءبىرىنشىسى - سۋىق تيگەندە جانە جوتەلگە قارسى دارىلەردى بەرۋ.
New York City'دەگى Lenox Hill اۋرۋحاناسى جەدەل ساۋىقتىرۋ ءبولىمىنىڭ قىزمەتكەرى دوكتور تامارا ر. كۋيتتەنين وسى دارىلەردىڭ پايداسىمەن قوسا زياندى ەكەندىگىن جايىپ سالدى. بالالارعا بەرەتىن جوتەلگە جانە سۋىقتى شىعارۋعا قارسى دارىلەردى ءىشۋدىڭ ەشقانداي كومەگى بولمايتىنىن، ءتىپتى مۇرىننىڭ بىتەلۋىنە دە پايداسىنىڭ جوق ەكەنىن ايتقان كۋيتتەنين بالالاردىڭ اناتومياسى ءارتۇرلى بولاتىندىعى سەبەپتى قاۋىپتىڭ دە زور ەكەندىگىن ءبىلدىردى.
امەريكا پەدياتريا اكادەمياسىنىڭ تۇجىرىمدامالارىنا سۇيەنسەك، نۇسقاۋلىقسىز الىنعان جوتەل جانە سۋىققا قارسى سيروپتاردىڭ ادام ومىرىنە قاۋىپتىلىگى سەبەبىمەن قىزىلشاقا نارەستەلەرگە جانە 2 جاستان كىشكەنتاي بالالارعا بەرمەۋ كەرەك.
سونداي-اق، كوپتەگەن زەرتتەۋلەر ناتيجەسىندە، جوتەل مەن سۋىق تيگەنگە قارسى دارىلەردىڭ 6 جاستان كىشكەنتاي بالالارعا بەرۋگە جارامايتىنىن جانە پوتەنتسيالدى ءقاۋپى بار ەكەندىگىن كورسەتەدى. بالالارىمىزعا بەرەتىن جوتەل مەن سۋىق تيگەنگە قارسى بەرىلەتىن دارىلەردىڭ قاتارىنان مىنادار تابىلادى:
حلورفەنيرامين: انتيگيستامين توبىنداعى بۇل ءدارى، نەگىزىندە اللەرگيا، قىزۋ كوتەرىلۋ مەن سۋىق تيۋ سەبەبىنەن كوز قىشىپ، سۋلانعاندا، تۇشكىرگەندە جانە مۇرىننان ءالسىن-ءالسىن سۋ كەتكەندە پايدالانىلادى.
دەكسترومەتورفان: سۋىق تيگەندە نەمەسە تۇماۋدان پايدا بولعان جوتەلگە قارسى قولدانىلادى، بۇل جوتەلگە قارسى پرەپاراتتار توبىنا جاتادى. بۇل ءدارى امەريكا دەنساۋلىق ينستيتۋتى زەرتتەۋلەرى بويىنشا تەك قانا جوتەلدى ازايتادى، ال جوتەلگە سەبەپ بولعان سىرقاتتى جويمايدى ءارى تەز جازىلىپ كەتۋگە دە كومەگى تيمەيدى.
اتسەتامينوفەن: پاراتسەتامول وندىرەتىن انالگەتيكالىق ءدارى اۋرۋدى توقتاتاتىن ءارى قىزۋ تۇسىرەتىن ءدارى. اسىرەسە تاماق اۋىرعاندا، انگينا بولعاندا قولدانىلادى.
فەنيلەفرين: سۋىق تيگەننەن، اللەرگيادان جانە قىزۋ كوتەرىلگەننەن كەيىن مۇرىننان ۇزدىكسىز سۋ اققان جاعدايدا قولدانىلادى. سونىمەن بىرگە مۇرىننىڭ بىتەلىپ قالۋىنا دا قارسى پايدالانادى. بۇل ءدارى دە اۋرۋدىڭ سەبەبى بولعان جەردى تولىقتاي جازبايدى.
دوكتور كۋيتتەنين تەك قانا ەكى سيروپتىڭ 6 جاسقا دەيىنگى بالالارعا بەرۋگە بولاتىنىن ايتتى: بالالارعا ارنالعان اتسەتامەنوفەن مەن يبۋپروفەن. وسى ەكەۋىن دۇرىس قولدانعان جاعدايدا قىزۋ كوتەرىلۋ مەن تۇماۋدىڭ الدىن الۋعا كومەكشى بولاتىنىن ايتقان كۋيتتەنين، اتسەتامەنوفەندى سيروپ تۇرىندە 4 ساعاتتا ءبىر رەت، يبۋپروفەندى ءاربىر 6 ساعات سايىن بالاڭىزعا ىشكىزۋگە كەڭەس بەرەدى.
دوكتور كۋيتتەنين، سيروپتاردى دوزا مولشەرىنەن ارتىق بەرىپ قويماس ءۇشىن شپريتس پايدالانۋدى ۇسىنادى.
