مەملەكەتتىك قىزمەتشىلەرگە داكتيلدى جانە ىممەن سويلەۋ ءتىلى وقىتىلماق
«مەملەكەتتىك باسقارۋ اكادەمياسى مەن ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ «يدەيالار فابريكاسى» برەينستورمينگ جوباسى ەندى تەك اكادەميادا عانا ەمەس، ونىڭ فيليالدارىندا دا قارقىن الۋدا. ياعني بۇكىل ەل بويىنشا مەملەكەتتىك باسقارۋ جۇيەسىن جاقسارتۋ ماقساتىندا ناقتى جوبالاردى ودان ءارى ىسكە اسىرۋ ءۇشىن يدەيالاردى ىرىكتەۋ جالعاسۋدا. وسى ورايدا «يدەيالار فابريكاسى» اياسىندا اكادەميانىڭ سقو بويىنشا فيليالىندا «ب» كورپۋسىنىڭ مەملەكەتتىك اكىمشىلىك باسشى لاۋازىمىنا العاش تاعايىندالعان مەمقىزمەتشىلەرگە ارنالعان 3 اپتالىق قايتا دايارلاۋ كۋرستارىنان وتكەن فيليال تىڭداۋشىلارى ءوز جوبالارىن قورعادى»، - دەلىنگەن اكادەميا مالىمەتىندە.
سونىمەن قاتار، ق ر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ س ق و بويىنشا فيليالىنىڭ جەكە جوباسىن ىسكە اسىرۋ ناتيجەلەرى ۇسىنىلدى. جوبا اكادەميانىڭ 25 جىلدىق مەرەيتويىن مەرەكەلەۋگە ارنالعان 25 الەۋمەتتىك جوبا اياسىندا اگەنتتىكتىڭ س ق و بويىنشا دەپارتامەنتىمەن بىرلەسىپ جۇزەگە اسىرىلدى.
بۇل جوبانى ەنگىزۋگە وبلىستا ءارتۇرلى دارەجەدەگى ەستۋ قابىلەتى ناشار 1030 ادام تۇراتىنى نەگىز بولدى، ولار ساپالى مەملەكەتتىك قىزمەت كورسەتۋدى قاجەت ەتەدى. سوندىقتان كورسەتىلەتىن قىزمەتتى بەرۋشىلەر مەملەكەتتىك قىزمەتتەر كورسەتۋ سالاسىنداعى قىزمەتكەرلەردىڭ بىلىكتىلىگىن ارتتىرۋعا، سونداي-اق ەرەكشە قاجەتتىلىكتەرى بار ادامدارمەن قارىم-قاتىناس جاساۋ داعدىلارىنا ۇيرەتۋگە مىندەتتى.
وسىعان وراي، اكادەميا فيليالىنىڭ بازاسىندا حالىققا قىزمەت كورسەتەتىن ازاماتتىق جانە مەملەكەتتىك قىزمەتشىلەر اراسىندا قارىم-قاتىناس داعدىلارى مەن ىمداۋ ءتىلىن قولدانۋ بويىنشا كۋرستار ۇيىمداستىرىلىپ، وتكىزىلدى. جالپى كولەمى 30 ساعات بولاتىن بارلىعى 10 ساباق وتكىزىلدى، وعان س ق و بويىنشا «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق، س ق و بويىنشا مەملەكەتتىك كىرىستەر دەپارتامەنتى، س ق و اكىمدىگىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنان جانە ەڭبەك، الەۋمەتتىك قورعاۋ جانە كوشى-قون كوميتەتىنىڭ س ق و بويىنشا دەپارتامەنتىنەن قىزمەتشىلەر قاتىستى.
«جوبا كومانداسىنىڭ قاتىسۋشىلارى وسى داعدىلاردى مەڭگەرۋ ەستۋ قابىلەتى ناشار ادامدارعا قاتىستى مەملەكەتتىك قىزمەت كورسەتۋ ساپاسىن جاقسارتۋعا الىپ كەلەتىنىنە سەنىمدى. انىقتالعان ناتيجەلىلىك نەگىزىندە فيليال بازاسىندا حالىققا قىزمەت كورسەتەتىن مەملەكەتتىك جانە ازاماتتىق قىزمەتشىلەردى وقىتۋدى جالعاستىرۋ جوسپارلانۋدا. جوبا ماقۇلدانىپ، ەلىمىزدىڭ بارلىق ايماقتارىندا جۇزەگە اسىرۋعا ۇسىنىلدى»، - دەيدى اكادەميا ماماندارى.
