يپوتەكا العان ازامات نوتاريۋسقا تولەگەن ارتىق قارجىسىن سوتپەن قايتارىپ الدى

2018 -جىلعى تامىزدا قارىز الۋشى «7-20-25» يپوتەكالىق باعدارلاماسى اياسىندا ساتىپ العان جىلجىمايتىن مۇلكىن ساتىپ الۋ- ساتۋ شارتىن كۋالاندىرۋ ءۇشىن الماتى قالاسىنىڭ جەكەمەنشىك نوتاريۋسىنا جۇگىنگەن. نوتاريۋس جىلجىمايتىن مۇلىكتى يەلىكتەن شىعارۋ تۋرالى شارتتى كۋالاندىرعانى ءۇشىن 10 اەك- تەن جانە تەحنيكالىق جانە قۇقىقتىق سيپاتتاعى قوسىمشا قىزمەتتەر كورسەتكەنى ءۇشىن 7 ا ە ك- تەن قۇرالاتىن 42925 تەڭگە (17 ا ە ك) مولشەرىندەگى سومانى ءوندىرىپ العان.

كەيىن كليەنت قازاقستان رەسپۋبليكاسىنىڭ زاڭناماسىن باسشىلىققا الا وتىرىپ، نوتاريۋسقا جۇگىنىپ، ودان زاڭسىز ۇستالعان سومانى قايتارۋدى تالاپ ەتەدى. قازاقستان رەسپۋبليكاسىنىڭ سالىق كودەكسىنە جانە «نوتاريات تۋرالى» قر زاڭىنا سايكەس يپوتەكالىق تۇرعىن ءۇي قارىزىنىڭ قاراجاتى ەسەبىنەن ساتىپ الىناتىن جىلجىمايتىن مۇلىكتى ساتىپ الۋ- ساتۋ شارتىن كۋالاندىرۋ بويىنشا نوتارياتتىق قىزمەتتىڭ قۇنى نوتارياتتىق ءىس- ارەكەتتەرىن جاساعانى ءۇشىن مەملەكەتتىك باجدىڭ قۇنىنان (2 ا ە ك) جانە تەحنيكالىق جانە قۇقىقتىق سيپاتتاعى نوتارياتتىق ءىس-ارەكەتتەرى قۇنىنان (2 ا ە ك) قۇرالادى جانە 4 ا ە ك بولادى.

الايدا، نوتاريۋس تالاپ ەتىلەتىن سومانى قايتارۋدان باس تارتىپ، وسىدان كەيىن قارىز الۋشى سوتقا جۇگىنگەن. «باسپانا» يپوتەكالىق ۇيىمى قارىز الۋشىنىڭ دالەلدەرىن قولداي وتىرىپ، سوتقا «7-20-25» باعدارلاماسى شەڭبەرىندە تۇرعىن ءۇيدى ساتىپ الۋ ءتارتىبى مەن تالاپتارى تۋرالى تۇسىنىكتەمە بەردى. ناتيجەسىندە كليەنت ازاماتتىق ءىستى جەڭىپ، ارتىق تولەگەن 32825 تەڭگە مولشەرىندەگى سومانى قايتارىپ الدى.

ماۋسىمنىڭ باسىنداعى جاعداي بويىنشا، نوتاريۋستار «7-20-25» باعدارلاماسى بويىنشا تۇرعىن ءۇيدى ساتىپ الۋ- ساتۋدىڭ 6700 شارتىن كۋالەندىرگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى