مىسىردا رامازان ايىنداعى ەڭ ۇزىن داستارحان جايىلدى
Al-Watan باسىلىمىنىڭ حابارلاۋىنشا، ءۇش شاقىرىمعا سوزىلعان داستارحانعا ءبىر ۋاقىتتا اۋىز اشۋعا 7 مىڭ ادام جينالدى. كەلگەندەرگە ءداستۇرلى مىسىر تاعامدارى ۇسىنىلدى. اۋىزاشار اياقتالعاننان كەيىن جاڭا استانانىڭ كورىكتى جەرلەرى مەن سالىنىپ بىتكەن ورامداردى ارالاۋ ۇيىمداستىرىلدى. گيننەستىڭ رەكوردتار كىتابىنىڭ وكىلدەرى «ەگيپەت جاڭا استانادا تاڭعى استى بىرگە ىشەدى» ۇرانىمەن وتكەن بۇل قوعامدىق شاراعا قاتىستى.
ادجمان امىرلىگىندەگى (ب ا ءا) كوپشىلىككە ارنالعان اۋىزاشاردىڭ ۇيىمداستىرۋشىلارى 2900 مەترگە سوزىلعان رامازان داستارحانىمەن رەكورد جاڭارتۋعا نيەتتەنىپ وتىر. ەگەر جەتىستىككە قول جەتكىزىلسە، بۇل مىسىر حالقى ءۇشىن ءبىر ايداعى ەكىنشى جەتىستىك بولماقشى. ويتكەنى، ەكى اپتا بۇرىن ەلدە الەمدەگى ەڭ جالپاق اسپالى كوپىر ىسكە قوسىلعان. گيننەستىڭ كىتابىنا ەنگىزىلگەن ءنىل وزەنىندەگى التى جولاقتى كوپىردىڭ ۇزىندىعى 540 م، ەنى - 67,36 م.
