ەنەرگەتيكالىق سۋسىن جۇرەك ىرعاعىن بۇزادى

سەرگىتەتىن قاسيەتى بولعانمەن، دەننىڭ ساۋلىعىنا كەلتىرەتىن زيانى دا از ەمەس. ەنەرگەتيكالىق سۋسىندار دارۋمەندەر كەشەنى مەن گليۋكوزادان تۇرادى. دارۋمەندەردىڭ پايداسى بارىنە ءمالىم. گليۋكوزا بولسا قانعا تەز ءسىڭىپ، قىشقىلداندىراتىن پروتسەستەرگە قاتىسادى جانە بۇلشىق ەت، مي جانە باسقا دا ماڭىزدى مۇشەلەردى ەنەرگيامەن قامتاماسىز ەتەدى. دەگەنمەن ەنەرگەتيكالىق سۋسىنداردى بەلگىلەنگەن مولشەرلەمەگە ساي تۇتىنۋ قاتاڭ تالاپ ەتىلەدى. ماكسيمالدى مولشەر -  كۇنىنە 2 قۇتى سۋسىن. مولشەردەن اسىرۋ -  قان قىسىمىنىڭ نەمەسە قان قۇرامىنداعى قانت دەڭگەيىنىڭ كوتەرىلۋىنە اكەپ سوعۋى مۇمكىن. مۇنداي سۋسىنداردىڭ تاعى ءبىر زيانى - از ۋاقىت ىشىندە كوپ ىشۋگە بولمايدى. ياكي، ءبىر ساعات ىشىندە ءبىر ءليترىن ءىشۋ - دەنساۋلىققا ايتارلىقتاي زيان. بۇل جۇرەك ىرعاعىن بۇزادى.

 جۋىردا كاليفورنياداعى تىنىق مۇحيتى ۋنيۆەرسيتەتىنىڭ عالىمدارى مۇنى دالەلدەپ وتىر. ەنەرگەتيكالىق سۋسىنعا قاتىستى تاجىريبە جۇمىسىنا 18 بەن 40 جاس ارالىعىندا 30 دان اسا ادام قاتىسقان. ولار 1 ساعات ىشىندە قۇرامىندا كوفەين بار 1 ليتر ەنەرگەتيكالىق سۋسىن ىشكەن. ناتيجەسىندە ولاردى ەلەكتروكارديوگرامما ارقىلى جۇرەك سوعىسى مەن ارتەريالىق قان قىسىمدارىن تەكسەرىپ وتىرعان. زەرتتەۋ ناتيجەسى بويىنشا از ۋاقىت ىشىندە ەنەرگەتيكالىق سۋسىندى كوبىرەك ىشكەن ادامداردىڭ جۇرەك سوعۋىنىڭ جىلدامدىعى 6-7,7 ميليسەكۋندقا ارتقان. سونداي- اق قان قىسىمى دا كوتەرىلگەنىن انىقتاعان. سوندىقتان دا عالىمدار مۇنداي سۋسىنداردى بىردەن كوپ ىشپەۋگە كەڭەس بەرەدى.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى