اگەنتتىك ءتوراعاسى اليك شپەكبايەۆ س ق و-دا جۇمىس ساپارىمەن ءجۇر
مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ س ق و بويىنشا دەپارتامەنتى باسپا ءسوز قىزمەتىنىڭ حابارلاۋىنشا، اگەنتتىك ءتوراعاسى اليك شپەكبايەۆ پەن وبلىس اكىمى قۇمار اقساقالوۆ كەشە پەتروپاۆل قالالىق كوشى- قون قىزمەتى ورتالىعىندا بولدى.
«كوشى-قون قىزمەتتەرى اشىقتىق قاعيداتى بويىنشا كەدەرگىسىز بەرىلەدى. بۇرىنعىداي وتكىزۋ بەكەتى جوق. عيمارات ىڭعايلى بولۋ ءۇشىن بولىكتەرگە بولىنگەن. كەڭەس بەرۋ، كۇتۋ، وپەراتسيا زالدارى، اقپاراتتى وڭدەۋ سەكتورى بار. ەلەكتروندى كەزەك ارقىلى قىزمەت كورسەتىلەدى. سونداي-اق «قازپوشتا» ا ق تولەم كاسساسى جۇمىس ىستەيدى. ەڭبەك ميگرانتتارى ءبىر جەردە بارلىق جۇمىستارىن بىتىرەدى»، - دەيدى كوشى-قون پوليتسياسى باسقارماسىنىڭ باستىعى تالعات ءابىلوۆ.
مامانداردىڭ ايتۋىنشا، مۇنداي ۇلگىدەگى كوشى-قون ورتالىعى ەلىمىزدە العاشقىلاردىڭ ءبىرى بولىپ س ق و- دا جۇمىس ىستەپ جاتىر.
اليك شپەكبايەۆ ورتالىقتىڭ جۇمىسىنا وڭ باعاسىن بەردى. «Open space» اشىقتىق قاعيداتى بويىنشا جۇمىس ىستەيتىن ورتالىقتا حالىققا ىڭعايلى بولۋ ءۇشىن بار جاعداي جاسالعان. ال قىزمەت كورسەتۋ ساپاسىن «Digital agent» موبيلدى قوسىمشاسى ارقىلى باعالاۋعا بولادى. بۇل قوسىمشانى ەلدەگى تاجىريبەگە سۇيەنە وتىرا جاقىندا ازەربايجاندا دا ەنگىزبەك.
بۇگىن اگەنتتىك ءتوراعاسى پەتروپاۆل قالالىق سوتى مەن پوليتسيا باسقارماسىنداعى فرونت-وفيستەردىڭ جۇمىسىمەن تانىسادى. دارىگەرلەرمەن، كاسىپكەرلەرمەن جانە ستۋدەنتتەرمەن كەزدەسپەك. تۇستەن كەيىن شال اقىن اۋدانىنا جول ءجۇرىپ، بىرنەشە نىساندى ارالايدى.
