قاسىم- جومارت توقايەۆ: مولدوۆامەن ىنتىماقتاستىقتى نىعايتۋعا نيەتتىمىز
مەملەكەتتەر باسشىلارى ەكىجاقتى بايلانىستاردى جانە حالىقارالىق ۇيىمدار اياسىنداعى ءوزارا ءىس- قيمىلداردى تالقىلادى.
«ءبىز مولدوۆامەن ىنتىماقتاستىقتى نىعايتۋعا جانە ساۋدا- ەكونوميكالىق سەرىكتەستىكتى ودان ءارى كەڭەيتۋگە نيەتتىمىز. ءوزارا قارىم- قاتىناستارىمىزدى دامىتۋ ءۇشىن بىزدە بارلىق مۇمكىندىك بار دەپ ويلايمىن»، - دەدى قاسىم- جومارت توقايەۆ.
مولدوۆا رەسپۋبليكاسىنىڭ پرەزيدەنتى جىلى قابىلداعانى ءۇشىن ريزاشىلىق ءبىلدىرىپ، مەملەكەتارالىق ديالوگتىڭ جەمىستى سيپاتىن ايتتى.
«ەلدەرىمىز اراسىندا دوستىق قاتىناستار ورناعان. 30-دان استام ەكىجاقتى كەلىسىمگە قول قويىلدى. 12 قۇجات قارالۋدا. مولدوۆا ءۇشىن ەۋرازيالىق ەكونوميكالىق وداقپەن ينتەگراتسيالىق ۇدەرىس ماڭىزدى سانالادى. بۇل باعىتتا ءبىزدىڭ الدىمىزدا اۋقىمدى جۇمىس تۇر»، - دەدى يگور دودون.
