وسكەمەندە كەنە شاققان بالا اۋرۋحاناعا ءتۇستى
كەنە شاققان بالانىڭ اۋرۋحاناعا تۇسكەنى تۋرالى رەسپۋبليكالىق ب ا ق كوزدەرى اقپارات تاراتقان بولاتىن. شىعىس قازاقستان وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى بالانىڭ جاعدايى جاقسارعانىن حابارلادى.
«قازىرگى تاڭدا بالانىڭ جاعدايى ءبىرقالىپتى. بۇگىن اۋرۋحانادان شىعارامىز. كەنە شامامەن ءساۋىر ايىنىڭ سوڭىندا شاققان. ەكى اپتادان كەيىن بالانىڭ تەمپەراتۋراسى كوتەرىلىپ، باسى اۋىرعان. وسىدان كەيىن جەدەل جاردەم شاقىرىلىپ، بالا ستاتسيونارلىق ەمدەۋدە 12 كۇن جاتقان»، - دەپ حابارلادى ۆەدومستۆونىڭ باسپا ءسوز قىزمەتىنەن.
باسقارما سپەتسيفيكالىق تەراپيا جۇرگىزىلگەنىن جانە بالانىڭ جۇيكە جۇيەسى ەشقانداي اقاۋسىز ساۋىعىپ كەلە جاتقانىن حاباردار ەتتى.
