ساۋد ارابياسىنىڭ ءىرى مۇناي قۇبىرىنا پيلوتسىز ۇشۋ اپپاراتتارى شابۋىل جاسادى
بۇل تۋرالى سەيسەنبى كۇنى كورولدىكتىڭ ەنەرگەتيكا، ونەركاسىپ جانە مينەرالدىق رەسۋرستار ءمينيسترى حالەد ال- فالەح مالىمدەدى، دەپ حابارلايدى قازاقپارات Al Mayadeen تەلەارناسىنا سىلتەمە جاساپ.
«كورولدىكتىڭ باتىسىنان شىعىسىنا مۇناي تاسىمالدايتىن مۇناي قۇبىرىنا مينا قويىلعان پيلوتسىز ۇشاقتار شابۋىلدادى. Saudi Aramco ۇلتتىق كومپانياسى «شىعىس- باتىس» مۇناي قۇبىرىنىڭ جۇمىسىن توقتاتتى» ، - دەگەن ءمينيستردىڭ ءسوزىن كەلتىرەدى Al Mayadeen تەلەارناسى.
حالەد ال- فالەح بۇل ءىستىڭ ارتىندا كىم تۇرعانىن ناقتىلاعان جوق.
ءمينيستردىڭ سوزىنشە، جەرگىلىكتى ۋاقىتپەن 06:00 - 06:30 ارالىعىندا پيلوتسىز باسقارىلاتىن اپپاراتتار قۇبىر جەلىسىنىڭ ەكى سورعى ستناساسىنا شابۋىلداعان. بۇل ارقىلى مۇناي كەن ورىندارىنان كورولدىكتىڭ شىعىسىنداعى يانبۋ پورتتى قالاسىنا مۇناي تاسىمالدانادى. شابۋىل سالدارىنان ءورت شىعىپ، №8 ستانساسى زاقىمدالعان.
