ەلوردادا ماسانى جويۋ جۇمىستارى ءجۇرىپ جاتىر
قالانىڭ اۋماعىن وڭدەۋ جۇمىستارى ءساۋىر مەن قىركۇيەك ايلارىنىڭ ارالىعىندا كەزەڭ- كەزەڭىمەن جۇرگىزىلەتىن بولادى.
الماتى اۋدانىندا اشىق جانە جابىق ستاتسيالاردى وڭدەۋ 16 - ساۋىردە باستالدى. قىزمەت كورسەتەتىن ۇيىمدار كوپپاتەرلى تۇرعىن ءۇي قورىنىڭ جەرتولە ءۇي- جايلارىن وڭدەۋ جانە شارتتار جاساسۋ بويىنشا بەلسەندى جۇمىس جۇرگىزۋدە. بۇگىنگى تاڭدا تاياز سۋ قويمالارىن وڭدەۋدىڭ 1-كەزەڭى اياقتالىپ، 3455 گەكتار اشىق الاڭ وڭدەلدى. سارى ماسالار كوبەيەتىن نەگىزگى ورىنداردىڭ ءبىرى ءارامشوپ بولىپ تابىلادى. اعىمداعى جىلى 80 گەكتار القاپتا وسىمدىكتەردى شابۋ جوسپارلانعان. دەراتيزاتسيا جۇمىستارى 6987 جەكە ۇيدە جۇرگىزىلەدى.
بايقوڭىر اۋدانىنىڭ اۋماعىندا دەزينسەكتسيالاناتىن اشىق ستاتسيالاردىڭ الاڭى 2399 گەكتاردى قۇرايدى. 16 - ساۋىردە اشىق جانە جابىق الاڭداردى وڭدەۋ جۇمىستارى باستالدى. قىزمەت كورسەتەتىن ۇيىمدار كوپپاتەرلى تۇرعىن ءۇي قورىنىڭ جەرتولە ءۇي- جايلارىن وڭدەۋ جانە شارتتار جاساسۋ بويىنشا بەلسەندى جۇمىس جۇرگىزۋدە. 111 پيك- تەن 104 قىزمەت كورسەتۋ ۇيىمى (%95) دەراتيزاتسيا شارتىن جاساستى.
ەسىل اۋدانىنىڭ اكىمدىگى دە اشىق ستاتسيالاردا، ماسالار مەن شىركەيلەرگە قارسى تاياز سۋ قويمالارىن وڭدەۋ جۇمىستارىن جۇرگىزۋدە. بۇل اۋداندا بارلىعى 8 714,45 گەكتار اشىق الاڭدا دەراتيزاتسيا مەن دەزينسەكتسيا جاسالۋى ءتيىس. اۋداندا دەزينسەكتسيا جونىندە 63 پيك- پەن شارت جاسالىپ، 41 پيك وڭدەلدى. سونىمەن قاتار ەسىل اۋدانىندا ءشوپ شابۋ جۇمىستارى جوسپارلانعان.
سارىارقا اۋدانىندا 24 - ساۋىردەن 1 - مامىرعا دەيىن 121,5 گەكتار اۋماقتا ماسانىڭ دەرناسىلدىك نىساندارىنان سۋ قويمالارىن وڭدەۋ جۇمىستارى جۇرگىزىلدى. 8 - مامىردا قوسىمشا 30 سۋ قويماسى وڭدەلدى. بۇگىنگى تاڭدا جوسپارلانعان 12 الاڭنىڭ 3 شارشى مەترى وڭدەلدى. ولاردىڭ ىشىندە: جەڭىس، بوگەنباي، رەسپۋبليكا داڭعىلدارى جانە ەسىل وزەنىنىڭ جاعالاۋى (بەيبىتشىلىك، سەيفۋللين، جانگەلدين، وماروۆ، كەنەسارى كوشەلەرى، اباي داڭعىلى، ەسكى جانە جاڭا الاڭ، «رەديسسون» قوناقۇيى، اۋداندىق اكىمدىك، قالالىق اكىمدىك جانە ت. ب) ؛ بوگەنباي، سارىارقا داڭعىلدارى، سارىبۇلاق بۇلاعى مەن ەسىل وزەنى جاعالاۋىنىڭ بويىندا (اباي داڭعىلى، كۇمىسبەكوۆ، سەيفۋللين، الماتى، كۋبرين، جدانوۆ، شەرس، جامبىل كوشەلەرى، گاراجدار جانە ت. ب) ؛ «كوكتال 2» تۇرعىن الابى (№68 مەكتەپ اۋماعى، سونىمەن قاتار ناۋرىز، قۇسمۇرىن، مويىلدى، قاينار كوشەلەرى) بار.
