قازاق دالاسىندا كيىكتەر تولدەپ جاتىر
«قازاقستاندا كيىكتەردىڭ تولدەۋى باستالدى. العاشقى قۇرالايلار تۋدى. كيىكتەردە «بەبي-بۋم» مامىردىڭ سوڭىنا دەيىن جالعاسادى. ورمان شارۋاشىلىق جانە جانۋارلار الەمى كوميتەتىنىڭ باتىس قازاقستان وبلىستىق اۋماعىنىڭ قىزمەتكەرى ارمان ىزىمعاليەۆ دالادا كيىكتەردىڭ فەلدشەرى سەكىلدى جۇمىس جۇرگىزەدى»، - دەپ جازدى ساكەن دىلداحمەت Facebook پاراقشاسىندا.
ەسكە سالا كەتسەك، وتكەندە عانا قوستاناي وبلىسىندا كيىك ساناعى جۇرگىزىلگەن بولاتىن. بيىل اقبوكەندەر امان-ەسەن ءتول وربىتسە، ولاردىڭ سانى ارتاتىنىن ايتادى ماماندار. نەگىزى، بيىل ورمان جانە اڭ شارۋاشىلىعى اۋماقتىق باسقارماسى مەن پوليتسەيلەر جۇرگىزگەن تەكسەرىستىڭ ناتيجەسىندە زاڭسىز اڭ اۋلاعان 87 ادام اكىمشىلىك جازاعا تارتىلعان.
