اۋرۋحانادا جاتقان ايىپتالۋشى تەلەفون ارقىلى سوتقا قاتىستى

تۇركىستان وبلىسى سايرام اۋدانى اقسۋكەنت اۋىلىنىڭ تۇرعىنى بوتەننىڭ مۇلكىن جىمقىرۋ، سەنىمىنە كىرىپ، الاياقتىق قىلمىسىن جاساعانى ءۇشىن سوت الدىندا جاۋاپ بەردى. 1975 -جىلعى ۋ. ق. ءوزىنىڭ تانىسى 1979 -جىلى تۋعان س. ۋ- دان «كۇيەۋىڭنىڭ قۇجاتتارىن، جەكە باس كۋالىگى مەن ج س ن-دى جاساپ بەرەمىن» دەپ الداپ، قوماقتى قارجىسىن قالتاسىنا باسقان.

اقشانى ءوز قاجەتىنە جاراتىپ جىبەرىپ، بوي تاسالاعان. الاياق تانىسىنا الدانىپ قالعان ايەل قۇقىق قورعاۋ ورگاندارىنا ارىزدانعان. سوتتالۋشىعا ق ر قىلمىستىق كودەكسىنىڭ 190 بابى 1- بولىگى («الاياقتىق») بويىنشا ايىپ تاعىلعان.

سوت قاراۋى كەزىندە سوتتالۋشى جاراقاتتارىمەن اۋرۋحانادا ەم قابىلداپ جاتقاندىقتان سوتقا كەلۋ مۇمكىندىگى بولماعان. سايرام اۋداندىق سوتى «ۆيرتۋالدى سوت» پيلوتتىق جوباسىن جۇزەگە اسىرۋ بويىنشا سوتتالۋشى ۋ- عا قاتىستى قىلمىستىق ءىس قارالدى. سوتتالۋشى سمارتفونىنا ورناتىلعان "TrueConf" قوسىمشاسى ارقىلى سوت وتىرىسىنا قاتىستى. ياعني، ​ ۆيرتۋالدى بەينەكونفەرەنسيا بايلانىسى ارقاسىندا سوت وتىرىسىنىڭ قاتىسۋشىلارى ءبىر-ءبىرىن كورىپ، ەستۋ مۇمكىندىگىنە يە بولدى. ۆيرتۋالدى ءىستى قاراۋ ناتيجەسى بويىنشا سوتقا قاتىسۋشىلار «سوت جۇيەسىنىڭ 7 ءتۇيىنى» باعدارلاماسى بارىسىندا ىسكە قوسىلعان «ۆيرتۋالدى سوت» جوباسىنىڭ جۇمىسىنا وڭ باعا بەردى.

Kaz.tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى