ءتىس جۇلدىرسا، ورازا بۇزىلا ما؟
ولار ءتىس جۇلدىرعان كەزدە تاماققا ەشتەڭە وتپەسە، ورازا بۇزىلمايتىنىن ايتتى. بۇل تۋرالى حانافي ءمازھابىنا قاتىستى «راددۋل مۇحتار» اتتى كىتابىندا جازىلعان.
«تىستەرىنىڭ اراسىنان قان شىعىپ، تاماعىنا بارسا، ياعني ىشكە وتپەسە، اۋىزى اشىلمايدى. ءبىراق تاماقتان ىشكە وتسە دە، قان تۇكىرىكتەن باسىم نە بىردەي بولسا، نەمەسە قاننىڭ ءدامىن سەزسە، ورازا بۇزىلادى. ەگەر قان تۇكىرىكتەن از بولسا، ورازا بۇزىلمايدى»، - دەلىنگەن كىتاپتا.
دەمەك، اۋىزى بەرىك ادامنىڭ اۋىزىنا قاننىڭ ءدامى بارماسا، ىشكە وتپەسە، قان تۇكىرىكتەن از بولسا، ورازا بۇزىلمايدى جانە ول ادام ءتىسىن جۇلدىرتۋىنا بولادى. ەگەر قان تۇكىرىكتەن كوپ بولىپ، ىشكە ءوتىپ كەتىپ جاتسا، ورازا بۇزىلعان بولىپ ەسەپتەلەدى.
