كىمدەرگە ورازا ۇستاۋعا بولمايدى؟

ول قانت ديابەتى، گيپەرتونيا، ميوكارد ينفاركتىسىنە شالدىققان، ينسۋلت العان ادامدارعا اۋىز بەكىتپەۋگە كەڭەس بەردى. بۇل تۋرالى Sputniknews.kz حابارلايدى.

«20 ساعات بويى اس-سۋسىز ءجۇرۋ وتە قيىن. سوندىقتان جۇكتى ايەلدەر، بالا ەمىزەتىن انالار، قاريالار مەن جەتى جاسقا تولماعان بالالار، اسكەري ادامدارعا ورازا ۇستاماۋىنا بولادى»، - دەدى بەكشين ورتالىق كوممۋنيكاتسيالار قىزمەتىندە رامازان ايىنا قاتىستى وتكەن باسپا ءسوز ءماسليحاتىندا.

سونداي-اق، باس سانيتارلىق دارىگەر قانت ديابەتى، گيپەرتونيا، ميوكارد ينفاركتىسىنە شالدىققان، ينسۋلت العان ادامدارعا اۋىز بەكىتپەۋگە كەڭەس بەردى. ۆيرۋستى گەپاتيت، سوزىلمالى ىشەك اۋرۋلارى، اسقازان جاراسى، گاستريتى بار ادامدارعا دا ورازا ۇستاماۋىنا بولادى.

«مۇنداي كەزدە ازاماتتار مىندەتتى تۇردە دارىگەرىمەن كەڭەسۋى كەرەك. دارىگەر رۇقسات بەرسە، سوندا عانا ورازا ۇستاۋعا بولادى»، - دەدى بەكشين.

ول ءبىر اي بويى اۋىز بەكىتەتىن مۇسىلماندارعا 8-10 ستاقان سۋ ىشۋگە كەڭەس بەردى.

«نەگە دەسەڭىز، سۋ ىشكەن كەزدە، ادام شولدەمەيدى. سوسىن ءتاتتى گازدالعان سۋسىنداردى ءبىر اي بويى ۇمىتۋ كەرەك. تۇزدالعان تاعامداردى ازايتقان ءجون. سوندا ورازا جەڭىل وتەدى»، - دەدى باس سانيتارلىق دارىگەر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى