عاسىر جوباسى ارالدىڭ جاعاسىندا تەڭىز تولقىنىن تۋلاتا ما؟

ەندى ساراتس- تىڭ 2-فازاسى باستالۋىمەن تەڭىز تولقىنى ارال قالاسىنا جەتەدى دەپ جوسپارلانىپ وتىر.

قامبار بەكەنوۆ، ءتىلشى:

 - تۇران ويپاتىنىڭ كوگىلدىر القاسى سانالاتىن ارالدى قۇتقارۋدىڭ 2-كەزەڭى قارجىلاندىرۋ تەتىكتەرىن كۇتىپ وتىر. جارتى عاسىرعا جۋىق، ەكولوگيالىق اپات شەڭگەلىنە تۇسكەن ورتالىق ازيانىڭ سالقىن ساباتتى ايدىن سۋىن رەتتەۋگە 25 ميلليارد تەڭگە قاجەت. ول قارجىعا الدىمەن  قىزىلوردا سۋ تورابى جاڭعىرتىلادى. سونداي- اق قارماقشى، قازالى اۋداندارىمەن وتەتىن سىرداريانىڭ قورعانىس بوگەتتەرى بەكىتىلەدى. قازالىداعى بىرلىك اۋىلى ماڭىنان كوپىر سالۋ جانە جالاعاش اۋدانىنداعى قورعانشا جانە تۇرىمبەت اۋماعىندا وزەن بوگەتىن نىعايتۋ قاجەت. سونىمەن قاتار ساراتس- تىڭ 1-فازاسى اياسىندا سالىنعان كوكارال بوگەتىنىڭ اقاۋلى تۇستارىن جوندەۋ جوسپارلانىپ وتىر. اتالعان جوبالاردىڭ تەحنيكالىق نەگىزدەمەسى مەن سمەتالىق قۇجاتتارى دايىن.

قامبار بەكەنوۆ، ءتىلشى:

 - ارال تەڭىزىندە سۋ قۇرامى تۇزدانىپ بارادى. سونى تۇشىلاندىرۋ ماقساتىندا دا گيدروشارالار قولعا الىنادى. ول جونىندە سالا مامانىنان سۇراپ بىلگەن ەدىك.

قايرات جانسۇلتان ۇلى، وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ ءبولىم باسشىسى:

- سىرداريا وزەنى كوكارال بوگەتىنىڭ جانىندا ورنالاسۋىنا بايلانىستى تۇشى سۋ تىكەلەي كوكارال بوگەتى ارقىلى ۇلكەن ارالعا كەتىپ جاتىر. كىشى ارالدىڭ سارىشىعاناق سولتۇستىك جاعىندا سۋ اينالىمى بولماي، تۇزدانۋ پروتسەسى ءجۇرىپ جاتىر. سوندىقتان جاڭادان ءۇش ارنانى سالۋدى جوسپارلاپ، ءتيىستى تەحنيكالىق ەكونوميكالىق نەگىزدەمەسىن ازىرلەپ قويدىق. جوبانىڭ قارجىسى 4,6 ميلليارد تەڭگە.

قامبار بەكەنوۆ، ءتىلشى:

- ساراتس 2 جوباسى اياسىندا تەڭىزدەن بولەك كولدەر جۇيەسى دە قالىپقا كەلتىرىلەدى. قازىردىڭ وزىندە ايماقتاعى 158 كولدىڭ ارناسى تولدى. ناتيجەسىندە تۇز- سورى ۇشقان جەرلەر سۋلى- نۋلى مەكەنگە اينالۋ ۇستىندە.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى