ادامداردىڭ زارە-قۇتىن قاشىراتىن الەمدەگى ەڭ ۇرەيلى شىركەۋ تۋرالى نە بىلەمىز؟
بەيىتتەرمەن قورشالعان قاراڭعى عيماراتقا كىرسەڭىز، تابالدىرىقتان باستاپ تۇرعان اق ەلەستەردى كورەسىز.
ەندەشە، جەر بەتىندەگى ەڭ قورقىنىشتى شىركەۋ تۋرالى bigpicture.ru سايتىنا سىلتەمە جاساعان KAZ. NUR. KZ نازارىڭىزعا ۇسىنادى.
چەحيالىق لۋكوۆ اۋىلىندا 1352-جىلى سالىنعان اۋليە گەورگي شىركەۋى ⅩⅩ عاسىردىڭ 60-جىلدارىنان باستاپ قۇلاي باستادى.
اۋليە ورىننىڭ قاڭىراپ بوس قالۋىنا جەرلەۋ راسىمدەرىنىڭ بىرىندە شاتىردىڭ قۇلاپ كەتۋى سەبەپ بولعان. سودان بەرى جەرگىلىكتى تۇرعىندار شىركەۋدىڭ قارعىس اتقان جەر ەكەنىنە كامىل سەنە باستاپتى. ال عيماراتتى جوندەۋ جۇمىستارىنا مۇلدە اقشا تابىلماعان ەكەن.
ەسكى تاريحي عيماراتقا نازار اۋدارتۋ ءۇشىن جەرگىلىكتى سۋرەتشى ياكۋب حادۆارا قيراعان ورىندا ارت-وبەكتىگە اينالدىرعان. ناقتىراق ايتقاندا، قازىر كەلۋشىلەردىڭ ورنىندا اق مۇسىندەر وتىراتىن بولعان.
ولاردىڭ ءبىرى ورىندىقتارعا وتىرسا، ەكىنشىلەرى قابىرعالار مەن جۇرەتىن جولدا كەزدەسەدى. عيمارات قانشا تىنىش بولعانمەن، ىشتەگى دىبىس جويقىن جارىلىستان دا قاتتى سياقتى سەزىلەدى.
ەلەستەر ەكىنشى دۇنيەجۇزىلىك سوعىستا ءار جەكسەنبى سايىن وسى كوستەلگە كەلەتىن نەمىستەردىڭ كەيپىن كورسەتۋدە. بۇل ارەكەتىمەن سۋرەتشى شىركەۋدىڭ ادامدار ومىرىنە ۇلكەن اسەر ەتەتىن تاريحى بار ەكەنىن دالەلدەگىسى كەلىپتى.
قازىر اق ەلەستەردىڭ ارقاسىندا شىركەۋ تەك جەرگىلىكتى تۇرعىندار اراسىندا عانا ەمەس، تۋريستەرگە دە قىزىقتى بولا باستاعان. ەندى ەكسكۋرسيادان تۇسكەن اقشاعا كوستەل جوندەلەتىن بولدى.
الايدا، قايتا جوندەۋدەن كەيىن ەلەستەردىڭ قالار-قالماسى بەلگىسىز.
