ترامپ قىتاي تاۋارلارىنا سالىق قۇنىن وسىرمەك
ساراپشىلاردىڭ ايتۋىنشا، بۇل - ا ق ش- تىڭ قىتايمەن كەزەكتى ساۋدا كەلىسىمىنە كەلۋ ءۇشىن جاساپ وتىرعان ارەكەتى. بۇعان دەيىن اق ءۇي باسشىسى باج سالىعىن ءوسىرۋدى بىرنەشە رەت كەيىنگە قالدىرعان بولاتىن. ەندى ۆاشينگتون مەن پەكين ءبىر مامىلەگە كەلمەسە، قىتاي نارىعىنىڭ ترامپ قاھارىنان قۇتىلا الماسى انىق. ەستەرىڭىزگە سالايىق، سوڭعى 10 اي بويى قىتاي ا ق ش- قا قۇنى 50 ميلليارد دوللار تۇراتىن جوعارعى تەحنولوگيالىق تاۋارلارعا 25 پايىز، ال 200 ميلليارد دوللار تۇراتىن باسقا دا تاۋارلارعا 10 پايىز سالىق تولەپ كەلەدى.
ا ق ش پرەزيدەنتى دونالد ترامپتىڭ 10- مامىردان باستاپ قىتاي تاۋارلارىنا باج سالىعىن ارتتىرۋ تۋرالى مالىمدەمەسى شاڭحاي مەن شىنجىننىڭ قور بيرجالارىنداعى نەگىزگى يندەكستەردىڭ قۇلدىراۋىنا اكەلدى، دەپ حابارلايدى ت ا س س.
اسىرەسە تەلەكوممۋنيكاتسيالىق، اقپاراتتىق تەحنولوگيالار مەن وندىرىستىك نارىق شىعىنعا باتتى. ايتا كەتەيىك، ترامپتىڭ قىتاي تاۋارلارىنا باج سالىعىن 25 پايىزعا دەيىن كوتەرۋ تۋرالى مالىمدەمەسى وسى اپتادا ۆاشينگتوندا ءوتۋى ءتيىس ساۋدا كەلىسسوزدەرىنىڭ الدىندا ايتىلىپ وتىر. ال قىتاي سىرتقى ىستەر مينيسترلىگىنىڭ رەسمي وكىلى گەن شۋاننىڭ ايتۋىنشا، وسى جاعدايعا قاراماستان قىتاي دەلەگاتسياسى الداعى كەلىسسوزدەرگە دايىندىق ۇستىندە. ەستەرىڭىزدە بولسا، كەلىسسوزدەر وتكەن اپتادا بەيجىڭ قالاسىندا وتكەن ەدى.
www.24.kz
