كوفە كوزدى ساقتاۋعا كومەكتەسەدى

ويتكەنى كوفە كوزدەگى سۇيىقتىق قورىنىڭ، ياعني جاستىڭ پايدا بولۋىنا ۇلكەن سەپتىگىن تيگىزەدى. مۇنى زەرتتەۋ جۇرگىزگەن توكيو ۋنيۆەرسيتەتىنىڭ عالىمدارى مالىمدەپ وتىر.

ۋاقىتىنىڭ كوپ بولىگى مونيتور الدىندا وتەتىن ادامداردا «قۇرعاق كوز» سيندرومى ءجيى كەزدەسەدى. مۇنداي جانداردىڭ كوزدەرى اشىپ، قىشىپ، جاس ءبولۋ پروتسەسى توقتاپ قالادى. سونىڭ سالدارىنان كوز اۋىرىپ، ادام شارشاعىشتىققا شالدىعادى. دەگەنمەن بۇل اقاۋدى ءبىر بوكال كوفەمەن شەشۋگە بولادى دەيدى عالىمدار. ياعني جۇمىسقا وتىرماستان بۇرىن اتالعان سۋسىننان ءدام تاتىپ العانىڭىز ءجون.

عالىمدار 78 ادامدى زەرتتەۋگە قاتىستىرىپ كورگەن. ولاردىڭ ءبىر جارتىسىنا تاڭعى 10.00-دەن تۇسكى ۇزىلىسكە دەيىنگى ۋاقىتتا پلاتسەبو تابلەتكاسىن، ەكىنشى جارتىسىنا كوفەين تابلەتكاسىن بەرگەن. بۇل ۋاقىت ادامنىڭ كوزىندە تۇراقتى تۇردە جاس پايدا بولاتىن ۋاقىت.

ناتيجەسىندە كوفەين تۇتىنعانداردىڭ كوزدەرى جاستى كوبىرەك بولە باستاعان. ولاردىڭ تەك %13 عانا «قۇرعاق كوز» سيندرومى بايقالعان. ال پلاتسەبو ىشكەن ەكىنشى تاراپتىڭ %17 اتالعان سيندروم كورىنىس بەردى.

«ەگەر ءبىزدىڭ زەرتتەۋلەرىمىزدىڭ ناتيجەسى كوفەنىڭ پايداسىن دالەلدەسە، وندا مەديتسينا عىلىم ءۇشىن بۇل ۇلكەن جاڭالىق بولادى»، - دەيدى زەرتتەۋ توبىنىڭ جەتەكشىسى رەيكو اريتا.

دەرەككوز: Reactor

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى