سايلاۋ كەزىندە ەلەكتروندى سيفرلىق قولتاڭبانى قولدانۋ قاجەت - ءامىرجان قوسانوۆ
«بۇگىندە بىزدە ەلەكتروندى سيفرلىق قولتاڭبا بار. سونى سايلاۋ كەزىندە نەگە پايدالانبايمىز؟ اناۋ وبلىس پەن اۋدان ورتالىعىنان شالعاي جاتقان ازاماتتار نەگە قولداۋ پروتسەسىنە قاتىسا المايدى. وسىنى ويلاۋ قاجەت. قازىرگى كەزدە ەلەكتروندى سيفرلىق قولتاڭبا ارقىلى نەكەگە تۇرىپ جاتىر، ۇيلەنىپ جاتىر، اجىراسىپ جاتىر. ال ونى بولاشاقتا سايلاۋ ناۋقانىندا دا پايدالانۋعا بولادى»، - دەدى ءا. قوسانوۆ ورتالىق سايلاۋ كوميسسياسىندا وتكەن باسپا ءسوز ءماسليحاتىندا.
ونىڭ ايتۋىنشا، سايلاۋالدى باعدارلاما دايىن. ونى 11- مامىردا جاريالاۋ جوسپارلانىپ وتىر.
ايتا كەتەيىك، بۇگىن ق ر ورتالىق سايلاۋ كوميسسياسى «ۇلت تاعدىرى» بىرلەسكەن ۇلتتىق- پاتريوتتىق قوزعالىسىنىڭ مۇشەسى، جۋرناليست ءامىرجان قوسانوۆتىڭ كانديداتتىق كۋالىگىن تاپسىردى.
«ورازانىڭ العاشقى كۇنى سايلاۋ كوميسسياسىنىڭ بىزگە كۋالىك بەرگەنىن جاقسى ىرىمعا بالاپ وتىرمىن. 7- ءنومىر ەكەن. مەن كۋالىكتى جەتىنشى بولىپ الىپ وتىرمىن. ونى دا جاقسىلىققا بالاپ وتىرمىن. جاسىراتىنى جوق، مەنى ۇسىنۋ جانە قول جيناۋ كەزىندە ءبىراز كۇمان بولدى. وسى قوسانوۆ سايلاۋعا تىركەلە مە، تىركەلمەي مە دەگەن كۇمان دا بولدى، ءارتۇرلى ارانداتۋلار دا بولدى. قاساقانا جاسالعان ءبىر اقپاراتتىق شابۋىلدار بولدى. وسى كۇنگە دەيىن مەن جانە مەنىڭ ارىپتەستەرىم تىركەۋ بولمايتىن شىعار دەپ ويلادىق. ءبىراق بۇگىنگى كۇنى پرەزيدەنت قاسىم- جومارت توقايەۆتىڭ «ءادىل سايلاۋ وتكىزۋگە كەپىلدىك بەرەمىن» دەگەن ءسوزىنىڭ ءبىر نىشانى دەپ بىلەمىن، سولاي قابىلدايمىن»، - دەپ اتاپ كورسەتتى ءا. قوسانوۆ.
اۆتور: ارمان اسقاروۆ
