ءومىرزاق شوكەيەۆ: الدىمەن اۋىلدى كوركەيتۋىمىز قاجەت
ءوڭىر اكىمدىگىنەن مالەم ەتكەندەي، وبلىس باسشىسى الدىمەن «امانگەلدى» ج ش س- نىڭ جۇمىسىمەن تانىستى. قوجالىقتىڭ جەر كولەمى - 2322 گەكتار. وندىرەتىن ءونىم تۇرلەرى - I، II جانە III رەپرودۋكتسيالى ءبيداي تۇقىمى مەن جەمىس-جيدەك ونىمدەرى. وندا 250 ادام تۇراقتى جۇمىسپەن قامتىلعان. تامشىلاتىپ سۋارۋ ادىسىمەن 405 گەكتار القاپقا جەمىس-جيدەك ەگىپ وتىر. اتاپ ايتقاندا، 150 گەكتارعا - الما، 88 گەكتار جەرگە - شابدالى، 31 گەكتارعا - شيە، 94 گەكتارعا - الحورى، 25 گەكتارعا - ورىك، 17 گەكتارعا - المۇرت، 120 گەكتارعا - تايفىي سورتىنداعى ءجۇزىم.
قوجالىق جۇمىسىمەن تانىسقان ءو. شوكەيەۆ ونىمدەردى ەكسپورتتاۋدى قولعا الۋ قاجەتتىگىن ايتتى.
اۋدانداعى ساپار «اۋىل - ەل بەسىگى» جوباسى شەڭبەرىندە قازىعۇرت اۋدانىندا ىسكە اسىرىلاتىن جوبالارعا ارنالعان جيىنمەن جالعاستى. وندا اۋدان اكىمى تولەگەن تەلعارايەۆ باعدارلاما اياسىندا اتقارىلار جۇمىستارمەن تانىستىردى.
«قازىعۇرت اۋدانىنا «اۋىل - ەل بەسىگى» جوباسى شەڭبەرىندە 2019-جىلى 608 ميلليون 757 مىڭ تەڭگە باعىتتاۋ جوسپارلانۋدا. جولداردى ورتاشا جوندەۋگە 343 ميلليون 192 مىڭ تەڭگە، ال ءبىلىم سالاسى بويىنشا مەكتەپتەردى اعىمداعى جوندەۋگە 37 ميلليون 915 مىڭ تەڭگە قاراستىرىلدى. سونداي-اق، جوبا اياسىندا ورتالىق فۋتبول الاڭى، بالاباقشالار، مادەنيەت ءۇيى، ورتالىق كىتاپحانا اعىمداعى جوندەۋدەن وتەدى»، - دەدى اۋدان اكىمى.
وبلىس اكىمى اۋدان باسشىلىعىنا «اۋىل - ەل بەسىگى» باعدارلاماسىن قولداپ، اۋىلدى، ايماقتى كوركەيتۋ قاجەتتىگىن تاپسىردى.
«جوبا جۇيەلى تۇردە ىسكە اسۋى قاجەت. الدىمەن اۋدان ورتالىعى، وكرۋگ ورتالىعى، كەيىن جىل سايىن 5 اۋىلدى كوركەيتىپ، اباتتاندىرۋ جۇمىستارى جۇرگىزىلۋى كەرەك. اۋىلداردا نىساندار كوبىرەك سالىنىپ، كوشەلەر جوندەلىپ، ساياباقتار سانى جىل سايىن ارتۋى ءتيىس»، - دەدى ءومىرزاق شوكەيەۆ.
