قوياندى مەن قوسشىدا مەكتەپتەر سالىنىپ جاتىر
«نۇر-سۇلتان قالاسىنا قاتىستى ماڭىزدى ماسەلە مەكتەپكە قاتىستى بولىپ وتىر. سوندىقتان ۇكىمەت ءبىرىنشى كەزەكتە ءۇش اۋىسىمداعى جانە اپاتتى جاعدايداعى مەكتەپتەر ماسەلەسىن شەشۋدە. مۇنىمەن قوسا، مەكتەپ تاپشىلىعى پروبلەماسىنا دا ەرەكشە نازار اۋدارىلۋدا»، - دەدى مينيستر ەلورداداعى كوپبالالى انالارمەن كەزدەسۋ بارىسىندا.
ونىڭ سوزىنە قاراعاندا، 2019-2021-جىلدارى ەلىمىز بويىنشا 190 مەكتەپ پايدالانۋعا بەرىلەدى.
«ونىڭ ىشىندە 19 مەكتەپ نۇر-سۇلتاندا سالىنادى. سونىڭ اراسىندا بيىل 14 مەكتەپ پايدالانۋعا بەرىلسە، قالعانى الداعى جىلى تاپسىرىلادى»، - دەدى ۆەدومستۆو باسشىسى.
مۇنىمەن قوسا، ەلوردا ماڭىنداعى قوياندى، قوسشى جانە قاجىمۇقان اۋىلدارىندا ءۇش مەكتەپتىڭ قۇرىلىسى جۇرگىزىلۋدە.
«بۇدان بولەك، 2020-2021-جىلدارى قالانىڭ شەتكەرى ايماقتارىنداعى قۇرىلىسقا قوسىمشا قولداۋ جاسالدى»، - دەدى مينيستر.
بۇدان بۇرىن حابارلانعانداي، بۇگىن ەلوردا اكىمدىگىندە ق ر پرەمەر-ءمينيسترىنىڭ ورىنباسارى گۇلشارا ءابدىقالىقوۆا ەلباسىنىڭ «الەۋمەتتىك قامقورلىق» جاڭا الەۋمەتتىك شارالارىنىڭ نەگىزگى باعىتتارىن ءتۇسىندىرۋ بويىنشا كوپبالالى انالارمەن كەزدەستى.
سونىمەن قاتار، شاراعا نۇر-سۇلتان قالاسىنىڭ اكىمى باقىت سۇلتانوۆ، ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ، ءبىلىم جانە عىلىم ءمينيسترى كۇلاش ءشامشيدينوۆا، دەنساۋلىق ساقتاۋ ءمينيسترى ەلجان ءبىرتانوۆ قاتىستى.
