قازاقستاندا ەلەكتروموبيلگە دەگەن سۇرانىس قانداي

بۇل تۋرالى «قازاۆتوونەركاسىپ» اۆتوكولىك سالاسىنداعى كاسىپورىندار وداعى ءمالىم ەتتى، دەپ حابارلايدى قازاقپارات.

«ەسەپتى كەزەڭدە اكىمشىلىك پوليتسيا ورگاندارى تىركەۋگە 453070 اۆتوكولىكتى قويدى. اتالعان كورسەتكىش وتكەن جىلدىڭ سايكەس كەزەڭىنەن 15,3 پايىزعا ارتىق. ونىڭ ىشىندە 425849 ى ەكىنشى رەت تىركەلگەندەر ۇلەسىندە، ياعني ءبىر ادامنان ەكىنشى ادامنىڭ اتىنا اۋىستىرىلعان كولىكتەر ساناتىنا جاتقىزىلدى. ءوسىم 2017 -جىلمەن سالىستىرعاندا 14,7 پايىزعا جەتتى. ال العاش رەت تىركەلگەن كولىك قۇرالدارىنىڭ سانى 27221 دى قۇرادى. ول بىلتىرعا قاراعاندا، 25,7 پايىزعا جوعارى»، - دەپ اتاپ كورسەتىلگەن تاراتىلعان مالىمەتتە.

بيىلعى قاڭتار-ساۋىردە قازاقستان اۋماعىندا 5 ەلەكتروموبيل تىركەلگەن ەكەن. بىلتىر اتالعان كەزەڭدە وسىنداي 22 كولىك ساتىپ الىندى. ياعني وتكەن جىلمەن سالىستارعان ەلەكتروموبيلگە دەگەن سۇرانىس 4,4 ەسەگە ازايدى.

«قازاۆتوونەركاسىپتىڭ» حابارلاۋىنشا، ەسەپتى كەزەڭدە قايتا تىركەلگەن كولىكتەردىڭ ۇشتەن ەكىسىنەن استامىن (70,6 پايىزى) پايدالانۋ مەرزىمى 10 جىلدان اسقان كولىكتەر قامتىعان.

ونىڭ ىشىندە 20 جىلدان اسقانداردىڭ ۇلەسى 183869000 (43,2 پايىز) بولسا، 11 دەن 20  جىلعا دەيىنگىلەر 27,4 پايىزدى قۇرادى. ال 4-تەن 7 -جىلعا دەيىن - 84 353 (19,8 پايىز) ، 8-دەن 10 -جىلعا دەيىن - 24 921 (5,9 پايىز)، 1 دەن 3 جىلعا دەيىنگى كولىكتەر

سانى 14966 عا جەتتى. سونىمەن قاتار، پايدالانۋ مەرزىمى 1 جىلعا جەتپەگەن كولىكتەردىڭ ۇلەسى  0,2 پايىز (992 اۆتوموبيل) بولدى.

كەلىسىمشارت راسىمدەرىنە قاراعاندا، وتاندىق اۆتوپاركتىڭ ەسكىرۋىنىڭ تۇراقتى ءۇردىسى بايقالۋدا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى