قازاقستان تۇركياعا اسكەري ماقساتتاعى ونىمدەردى ەكسپورتتايتىن بولادى
باسپاءسوز مالىمەتتەرىنە قاراعاندا، تۇركيا رەسپۋبليكاسىنىڭ ستامبۋل قالاسىندا وتكەن قورعانىس سالاسىنىڭ «International Defense Industry Fair 2019» 14- حالىقارالىق كورمەسىنىڭ ناتيجەسىندە قازاقستاندىق دەلەگاتسيا وسىنداي كەلىسىمگە قول جەتكىزدى.
ق ر سيفرلىق دامۋ، قورعانىس جانە ايەروعارىش مينيسترلىگىنىڭ كاسىپورىندار قۇرىلىمىنا ەنەتىن «قازاقستان اسەلسان ينجينيرينگ» ج ش س («قازاقستان ينجينيرينگ» ج ش س) تۇركيا رەسپۋبليكاسىنا وپتيكاەلەكتروندىق قۇرالداردى ەكسپورتتاۋ جونىندە شارت جاساستى. بۇدان وزگە، كومپانيا تۇرىك كاسىپورنىمەن قازاقستان رەسپۋبليكاسىنىڭ اۋماعىندا تىكۇشاقتارعا ارنالعان ەلەكتروندىق قۇرىلعىلار كەشەنىن جاڭالاۋ جونىندە مەموراندۋمعا قول قويدى.
قازاقستاندىق دەلەگاتسيا حالىقارالىق كورمە اياسىندا شەتەلدىك ارىپتەستەرىمەن 20-دان استام ءتۇرلى كەزدەسۋلەر وتكىزدى. اتاپ ايتقاندا، كووپەراتسيا، ينۆەستيتسيالار مەن جاڭا جوبالاردى تارتۋ شەڭبەرىندە بىرلەسكەن جوبالاردى قۇرۋ ماسەلەلەرى تۇركيالىق «MKEK» جانە «Aselsan» اراسىنداعى، سونداي- اق «TAI» كومپانياسىمەن بىرلەسكەن جاڭا جوبانى جۇزەگە اسىرۋ تۋرالى كەلىسسوزدەر جۇرگىزۋ بارىسىندا تالقىلانعان تاقىرىپتاردىڭ وزەگى بولدى.
كەزدەسۋلەر ناتيجەسىندە تاياۋدا تۇركيالىق بەس كومپانيانىڭ قورعانىس سالاسىندا بىرلەسكەن جوبالاردى جۇزەگە اسىرۋدىڭ تەحنيكالىق تەتىكتەرىن ايقىنداۋ ماقساتىندا نۇر- سۇلتان قالاسىنا ارنايى كەلۋى جوسپارلانعان.
بيىلعى «International Defense Industry Fair 2019» كورمەسىنە قازاقستان العاش رەت سيفرلىق دامۋ، قورعانىس جانە اەروعارىش ونەركاسىبى مينيسترلىگى، قورعانىس مينيسترلىگى جانە وتاندىق قورعانىس ونەركاسىبى كەشەنىنىڭ كاسىپورىندارىنان قۇرالعان ۇلكەن دەلەگاتسيامەن قاتىستى. دەلەگاتسيانى سيفرلىق دامۋ، قورعانىس جانە ايەروعارىش ونەركاسىبى ءبىرىنشى ۆيتسە- ءمينيسترى تالعات جانجۇمەنوۆ باسقاردى. قازاقستاندىق قورعانىس ونەركاسىبى كەشەنىنىڭ ونىمدەرى حالىقارالىق كورمەدە ءبىر ۇلتتىق ەكسپوزيتسيا رەتىندە ۇسىنىلدى جانە شەتەلدىك ارىپتەستەر مەن سەرىكتەستەر تاراپىنان ۇلكەن قىزىعۋشىلىق تۋدىردى.
وتاندىق قورعانىس ونەركاسىبى كاسىپورىندارى ونىمدەرىنەن قۇرالعان ءبىر ۇلتتىق ەكسپوزيتسيا الداعى ۋاقىتتا «MILEX-2019» (بەلارۋس رەسپۋبليكاسى، مينسك ق. ) جانە «ارميا-2019» (رەسەي فەدەراتسياسى، كۋبينكا ق.) حالىقارالىق كورمەلەرىندە كوپشىلىك نازارىنا ۇسىنىلاتىن بولادى.
