ق ر پرەزيدەنتىنىڭ تەلەراديوكەشەنى بىرلىك كۇنىنە وراي ۆيدەو جاريالادى
«قۇرمەتتى وتانداستار! ەلەۋلى مەرەكەلەرىمىزدىڭ ءبىرى - قازاقستان حالقىنىڭ بىرلىگى كۇنى قۇتتى بولسىن! بىرلىگىمىز جاراسىپ، تاتۋلىقتا، بەيبىت ومىردە كۇن كەشەيىك» دەلىنگەن جازبادا.
ۆيدەودا ەلباسى نۇرسۇلتان نازاربايەۆتىڭ قازاقستان حالقى اسسامبلەياسىنىڭ تاياۋداعى سەسسياسىندا سويلەگەن ءسوزى بار.
«ءبىز - مىقتى جانە جاۋاپتى ادامداردان قۇرالعان ءبىرتۇتاس حالىقپىز. تاۋەلسىزدىك العان 27 جىلدان بەرى ءبارىمىز كۇش بىرىكتىرىپ قۋاتتى قازاقستاندى قۇردىق. ءبىز قول جەتكىزگەن بۇكىل جەتىستىكتەر - بارشامىزعا ورتاق. ءبىر بىرگەمىز. ءبىزدىڭ وتانىمىز ءبىر. وسىندا تۇراتىن ءوزىمىز. ۇرپاعىمىزدى وسى ەلدە وسىرەمىز. دەمەك، بالالارىمىز ءۇشىن وسى ەلدى بىرگە دامىتۋعا ءتيىسپىز» دەيدى ەلباسى.
