قازاقستاندىق ءجۇزۋ شەبەرى توكيو وليمپياداسىنا جولداما الدى

ۇلتتىق وليمپيادا كوميتەتىنەن تۇسكەن مالىمەتكە قاراعاندا، د. بالاندين حالىقارالىق سۋ سپورتى تۇرلەرى فەدەراتسياسىنىڭ (FIN)  Cha pions Swim Series اتتى جاڭا تۋرنيرىنە قاتىستى.

الەمدىك جارىستىڭ ءبىرىنشى كەزەڭى گۋانچجوۋدا ءوتتى.

براسس ادىسىمەن 200 مەترگە ءجۇزۋ سايىسىندا قازاقستاندىق سپورتشى 2:09.37 ناتيجەمەن ءتورتىنشى ورىنعا يە بولدى. ا ءنورماتيۆىنىڭ ۋاقىتى - 2:10.35. وسىلايشا د. بالاندين جولدامانى جەڭىپ الدى.

بۇل قاشىقتىقتا 2016-جىلعى وليمپيادا ويىندارىنىڭ قولا جۇلدەگەرى، رەسەيلىك انتون چۋپكوۆ 2:07.48 ۋاقىتىمەن توپ جاردى. ەكىنشى ورىندا قىتايلىق تسين حايان. ونىڭ ۋاقىتى - 2:08.31. جاپونيالىق يپپەي ۆاتانابە 2:09.33 كورسەتكىشىمەن ءۇشىنشى ورىنعا يە بولدى.

دميتري بالاندين سونداي- اق 4x100 مەتر ارالاس ەستافەتاسىنا قاتىسىپ، وندا قولا جۇلدەگە قول جەتكىزدى.

Champions Swim Series جارىسىنىڭ ءباسى جوعارى، وندا تەك ارنايى شاقىرتۋ العان كىل مىقتىلار عانا باق سىناي الادى.

بۇل جاڭا ءتۋرنيردىڭ ەكىنشى كەزەڭى 11- مامىردا بۋداپەشت قالاسىندا وتەدى. الەمدىك سەريانىڭ سوڭعى كەزەڭى 31- مامىر مەن 1- ماۋسىم ارالىعىندا ا ق ش- تىڭ يندياناپوليس قالاسىندا بولادى.

ەسكە سالا كەتەيىك، براسس ادىسىمەن 200 مەترگە ءجۇزۋ سايىسى - دميتري بالانديننىڭ وڭ جامباسىنا كەلەتىن جارىس. ءدال وسى قاشىقتىقتا ول 2016-جىلى قارسىلاستارىنىڭ ءبارىن شاڭ قاپتىرىپ، قازاقستاندىقتار اراسىندا جۇزۋدەن تۇڭعىش رەت وليمپيادا چەمپيونى اتانعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى