ەلوردانىڭ ءتارتىپ ساقشىلارى جاڭا كيىم ۇلگىسىنە كوشتى
ساپتىق بايقاۋ بارىسىندا قىزمەتكەرلەردىڭ سىرتقى ءتۇر-سيپاتى، ۇلگىلىك كيىمى، قىزمەتتىك كۋالىكتەرىنىڭ، ايىرىم بەلگىلەرىنىڭ تالاپتارعا ساي بولۋى تەكسەرىلدى.
ساپتىق بايقاۋ بارىسىندا دەپارتامەنت باسشىلىعى ەلوردالىق پوليتسيا قىزمەتكەرلەرىنە جۇكتەلەتىن مىندەتتەردى ابىرويمەن اتقارىپ، ازاماتتاردىڭ جەكە جانە مۇلىكتىك قاۋىپسىزدىگىن قامتاماسىز ەتۋگە بار كۇش-جىگەرلەرىن سالۋعا باعىتتادى.
«سالتاناتتى شارا اياقتالعان سوڭ ەلوردالىق گارنيزوننىڭ بارلىق بولىمشەلەرى ساپتىق شەرۋگە قاتىستى. ولاردىڭ قاتارىندا ۋچاسكەلىك پوليتسيا قىزمەتكەرلەرى، تەرگەۋشىلەر، اكىمشىلىك پوليتسيا قىزمەتكەرلەرى، وپەراتيۆتىك قىزمەتكەرلەر، جول-پاترۋل پوليتسيانىڭ قىزمەتكەرلەرى بار. شارا بارىسىندا ەلوردالىق گارنيزوننىڭ بولىمشەلەرى ۇجىمشىلدىعى مەن بىلىكتىلىگىن كورسەتتى»، - دەلىنگەن حابارلامادا.
جازعى كيىمگە اۋىسۋ راسىمىنە ارنالعان جيىن قىزمەتكەرلەردىڭ شەرۋىمەن اياقتالدى.
فوتو: patrul.kz
