پرەزيدەنتتىككە ۇمىتكەر ءامىرجان قوسانوۆ و س ك-عا قۇجاتتارىن تاپسىردى

«مەنىڭ مەملەكەتتىك قىزمەتتە 7 جىلدىق تاجىريبەم بار. پسيحيكالىق اۋرۋلارعا قاتىستى انىقتامانى الدىم. بارلىق قاجەتتى قۇجاتتى جيناپ تاپسىردىق. ولار ەكى كۇن قاراستىرىلاتىنى ايتىلدى. دۇيسەنبى كۇنى ساعات 11-دە مەملەكەتتىك ءتىلدى مەڭگەرۋ سىناعىنان وتەمىن»، - دەدى ءامىرجان قوسانوۆ ورتالىق سايلاۋ كوميسسياسىندا جۋرناليستەرگە بەرگەن سۇحباتىندا.

ايتا كەتەيىك كەشە «ۇلت تاعدىرى» ر ق ب قۇرىلتايىندا ساياساتكەر ءامىرجان قوسانوۆتىڭ كانديداتۋراسىن پرەزيدەنتتىك سايلاۋعا ۇسىنۋ شەشىمى قابىلداندى.

ءامىرجان قوسانوۆ 1964 -جىلى 13 -مامىردا دۇنيەگە كەلگەن. س. كيروۆ اتىنداعى قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىندە ءبىلىم العان. ءتۇرلى جىلدارى كوممۋنيستىك جاستار وداعىندا، ق ر مەملەكەتتىك ورگاندارىندا، ساياسي پارتيالار مەن قوعامدىق قوزعالىستاردا ەڭبەك ەتكەن. ۇيلەنگەن، ءۇش بالاسى بار.

ايتا كەتەيىك، ق ر پرەزيدەنتتىگىنە كانديداتتار ورتالىق سايلاۋ كوميسسياسىنا 7 قۇجاتتان تۇراتىن پاكەت تاپسىرادى.

ۇمىتكەرلەردى ۇسىنۋ - 28 -ءساۋىر كۇنى، ق ر ورتالىق سايلاۋ كوميسسياسىنا تىركەۋ پروتسەدۋرالارى 11 -مامىردا اياقتالادى.

قازاقستاندا كەزەكتەن تىس پرەزيدەنت سايلاۋى 2019 -جىلدىڭ 9 -ماۋسىمىندا وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى