قازاقستاندىق بالالار ايگىلى فۋتبول جۇلدىزى مەسسيمەن كەزدەستى
بۇل تۋرالى بۇگىن بالانىڭ اناسى اقمارال امىرەيەۆا ءوزىنىڭ فەيسبۋكتەگى پاراقشاسىندا جازدى.
«مەن جاراتقانعا ءالي مەن ءامىردىڭ ارمانىن ورىنداعانى ءۇشىن العىسىمدى بىلدىرەمىن. ءالي ارماندادى، جاراتقان ونىڭ ارمانىن ورىندادى. ءبىز قايرات بورانبايەۆ مىرزاعا وسى ساپارعا دەمەۋشىلىك ەتكەنى ءۇشىن العىسىمىزدى بىلدىرەمىز. ءبىز بارسەلونا فۋتبول كلۋبىمەن كوپ ۋاقىتتان بەرى بايلانىسىپ جۇردىك. مۇنداي كەزدەسۋگە قول جەتكىزۋ وڭاي ەمەس ەدى، ارينە. الايدا، ءبىز وسىنداي مۇمكىندىكتىڭ ورايى تۋعاندا ءارى قاراي نە ىستەرىمىزدى بىلمەي دال بولدىق. ويتكەنى ول جاققا بارىپ، كەلۋ مەن وندا جاتىن ورىن جالداپ تۇرۋ ءبىز ءۇشىن وتە قىمبات بولاتىن. وسى كەزدە بىزگە كومەككە قايرات بورانقۇلوۆ مىرزا كەلدى. ءاليدى بارسەلوناعا شاقىرىپ جاتقانىن ەستىگەن ول ءبىزدىڭ ساپارىمىزدىڭ قۇنىن تولەپ بەردى. ءبىزدىڭ سىزگە العىسىمىز شەكسىز، ارماندارىڭىز ورىندالا بەرسىن!»، - دەپ جازدى بالالاردىڭ اناسى.
سونداي-اق اقمارال امىرەيەۆانىڭ جازۋىنشا، بارسەلونادا مەسسي ءاليدى وتە جىلى قابىلداعان. سول ساتتەگى قۋانىش پەن شاتتىققا تولى كوڭىل- كۇيدى جەتكىزۋ مۇمكىن ەمەس. وسىنشاما جوعارى دەڭگەيدەگى فۋتبول جۇلدىزى ءوزىن وتە قاراپايىم ۇستادى جانە اليگە جىلى شىراي تانىتىپ، ۇدايى قۇشاقتاۋمەن بولدى»، - دەپ جازدى ءاليدىڭ اناسى.
وسى رەتتە ول ساپار بارىسىندا قولداۋ كورسەتكەنى ءۇشىن قازاقستاننىڭ بارسەلوناداعى كونسۋلدىق قىزمەتكەرى رينات اتتى ازاماتقا دا العىسىن ءبىلدىردى.
«ول ءوزىنىڭ جۇمىسىنىڭ تىعىزدىعىنا قاراماستان ءبىزدى نازارىنان تىس قالدىرمادى. وعان ءبىزدىڭ العىسىمىز شەكسىز»، - دەيدى ءاليدىڭ اناسى.
