شاڭحايدا ناۋرىز مەيرامى اتاپ ءوتىلدى
ءىس-شارانى قىتايداعى قازاقستان ستۋدەنتتەر قاۋىمداستىعىنىڭ شاڭحايداعى ءبولىمى (KSAC) ق ر باس كونسۋلدىعى مەن ق ر ءبىلىم جانە عىلىم مينيسترلىگى «حالىقارالىق باعدارلامالار ورتالىعىنىڭ» ازيا مەن تىنىق مۇحيتى جاعالاۋىنداعى وكىلدىگىنىڭ قولداۋىمەن ۇيىمداستىردى.
شاڭحايداعى ق ر باس كونسۋلى جوشىحان قىراۋبايەۆ جۇرتشىلىقتى ناۋرىز مەيرامىمەن قۇتتىقتادى. سونداي-اق «تۇساۋ كەسۋ» راسىمىنە قاتىسىپ، كىشكەنتاي ايشا جاعپاروۆانىڭ اياعىنداعى الا ءجىپتى كەستى.
قازاقستاندىق ستۋدەنتتەر كونسەرت ۇيىمداستىردى. كورەرمەندەرگە اننەن شاشۋ شاشىلىپ، كۇي شەرتىلدى، تەاترلاندىرىلعان سالت-داستۇرلەر (بەتاشار جانە ت. ب.) كورسەتىلدى.
قوناقتار ارقان تارتۋ، قىز قۋۋ، قازاقشا كۇرەس جانە تاعى باسقا قازاق ۇلتتىق ويىندارىن تاماشالاپ، ولارعا وزدەرى دە قاتىستى. ناۋرىز كوجە، پالاۋ، باۋىرساقتاردان ءدام تاتتى.
