وزگەمەن بولىسۋگە بولمايتىن جەكە زاتتار

كوپشىلىك ادامدار وزگەنىڭ زاتتارىن ورتاق زات رەتىندە پايدالانعاندا، بىرەۋگە تەلەفونىن بەرگەندە، فيلم كورىپ وتىرىپ ءبىر ىدىستاعى پوپكورن سىندى ازىقتى جەگەننىڭ سوڭى قانداي ناتيجەلەرگە الىپ كەلەتىنىن بىلمەيدى.

كوسمەتيكالىق زاتتار تۋش، وپا- دالاپ جانە كرەم - بۇلاردىڭ ءبارى ايەلدەردىڭ جەكە زاتتارى بولۋى كەرەك. ەگەر، كوسمەتيكالىق زاتتارىڭىزدى قۇربىڭىز پايدالانسا، تەرىڭىزدەگى باكتەريا مەن ۆيرۋستار ءسىز پايدالاناتىن زاتتارمەن قۇربىڭىزعا وتەدى. كرەم مەن دالاپ ىدىسىنداعى ىلعالدىلىق باكتەريالاردىڭ ۇزاق جاساۋىنا مۇمكىندىك بەرەدى. ال ءسىزدىڭ وپا- دالابىڭىزدى پايدالانۋشىنىڭ يممۋندىق جۇيەسى سىزدىكىندەي كۇشتى بولماۋى مۇمكىن. تۋش، وپا- دالاپ جانە باسقا دا كوسمەتيكالىق زاتتار - تۇماۋ، كوزدىڭ دانەكەر قابىعىنىڭ قابىنۋىنا الىپ كەلەتىن باكتەريالار ت. ب ۆيرۋستاردى تاسىمالدايدى.

قۇلاققاپتار

ۆاكۋۋمدى قۇلاققاپتاردى پايدالاناتىن بولساڭىز ونى وزگە ادامدارعا بەرە كورمەڭىز. سەبەبى اكسەسسۋاردا ۋاقىت وتە كەلە التىنكۇكىرت جينالادى دا، ول جەردە ستافيلوكوكك سىندى ميكروبتار جاسىرىنىپ جاتادى. ءسىز مۋزىكا مەن اۋديوكىتاپتاردى قانشا كوپ تىڭداساڭىز ولاردىڭ كوبەيۋىنە سونشا مۇمكىندىك جاراتاسىز. قۇلاققاپتاردى ءجيى- ءجيى سپيرت نەمەسە انتيباكتەريال سۋلىقپەن ءسۇرتىپ تۇرىڭىز. بۇل ءادىس ميكروبتاردى 100 پايىز قۇرتىپ جىبەرمەسە دە ولاردىڭ كوبەيۋىن ازايتادى.

ازىق-تۇلىك ونىمدەرى

بىرنەشە ادام بىرىگىپ كينوتەاترلاردا ۇلكەن ىدىستان پوپكورن جەۋدى ادەتكە اينالدىرعان. ءبىر ىدىستاعى پوپكورندى جەۋ قول ارقىلى مىڭداعان ميكروبتاردىڭ وزگەلەرگە جۇعۋىنا الىپ كەلەدى. وعان كينوتەاتر ورىندىعىنداعى، ەسىك تۇتقاسىنداعى، ءسىز پايدالانعان باسقا زاتتارداعى ميكروبتاردى قوسىڭىز. مىسالى، اسحانادا دوسىڭىزدىڭ تاماعىنان جەپ كورسەڭىز ءوزىڭىزدى قاتەرگە قوياسىز. كلەمسون ۋنيۆەرسيتەتى پروفەسسورى پول دوۋسون مەن سولتۇستىك كارولينا ۋنيۆەرسيتەتى زەرتتەۋشىسى برايان شەلدون تاماققا قاسىقپەن بىرگە 10 مىڭعا جۋىق ميكروب تۇسەتىنىن ەسەپتەپ شىققان. بۇلار تۇماۋ ۆيرۋستارى نەمەسە ىشەك تاياقشالارى، سونداي- اق فارينگيت تۋدىراتىن سترەپتوكوككتار بولۋى مۇمكىن. ەگەر تاماق تىم ىستىق بولسا ءقاۋىپ تە تومەن بولادى. ميكروبتاردىڭ كوپشىلىگى 50 گرادۋستان جوعارى تەمپەراتۋرادا جويىلىپ كەتەدى.

سۋسىندار

جاز ماۋسىمىندا كوپشىلىگىمىز ءبىر بوتەلكەدەگى سۋسىندى ورتاق پايدالانىپ، ىشە بەرەمىز. وكىنىشتىسى، ازىق- تۇلىكتەگى سياقتى مۇندا دا ميكروبتار ءبىر ورىندا تۇرمايدى. سۋمەن بىرگە اعزاعا سترەپتوكوكك، مەنينگوكوككتار جانە گەرپەس ت. ب ۆيرۋستار ادامعا جۇعۋى مۇمكىن. تۇرمىستىق زاتتار

ەدەن نەمەسە گاز پليتاسىن تازالاپ جاتقان كەزىڭىزدە قولىڭىزعا قولعاپ كيەسىز بە؟ ونى شەشكەننەن كەيىن قولىڭىزدى جۋاسىز با؟ البەتتە، سولاي ەتۋ كەرەكتىگىن ەسىڭىزدەن شىعارماڭىز. بىرىنشىدەن، قولعاپ كيگەن كەزدە قول تەرلەيدى دە ونىڭ ىشىندە ميكروپتارلىڭ كوبەيۋىنە قولايلى ىلعالدى دا ىستىق ورتا قالىپتاسادى. ەكىنشىدەن، تازالاۋ كەزىندە سانۋزەلدىڭ سىرتىنداعى 75 مىڭعا جۋىق ميكروبتار: سالمونەللا، شيگەللا، نوروۆيرۋس ت. ب قولىڭىزعا جۇعادى. قولعاپتى شەشكەننەن كەيىن قولىڭىزدى جۋماساڭىز ءتۇرلى ميكروبتاردى وزىڭىزبەن بىرگە تاسىمالدايسىز. اجەتحانا مەن اسحاناعا جەكە قولعاپ پەن باسقا دا زاتتاردى پايدالانعان ابزال ەكەنىن ەستەن شىعارماڭىز.

جەكە گيگيەنالىق

زاتتار بىرىنشىدەن، بۇل ءتىس شەتكاسى. وزگەنىڭ ءتىس شەتكاسىن پايدالانۋ ارقىلى وزىڭىزگە ترەپتوكوكك نەمەس نوروۆيرۋستاردى جۇقتىرىپ الاسىز. ءتىس شەتكاسىن مۇقيات تازالاۋ دا مۇنىڭ الدىن الا المايدى. ەكىنشىدەن، تاراق. ەگەر تاراق جۋىلماسا، دەزينفەكسيالانباسا ونداعى ميكروبتار ءبىر باستان ەكىنشىسىنە كوشىپ جۇرە بەرەدى. ناتيجەسىندە فولليكۋليت، پەديكۋلёزبەن اۋرۋىڭىز مۇمكىن. ۇشىنشىدەن، ۇستارا. وزگەنىڭ ۇستارا، قايشى سىندى زاتتارىن پايدالانۋعا بولمايدى. بۇل تۇرمىستىق زاتتار ارقىلى گەپاتيت ۆيرۋسىنىڭ جۇعۋ ءقاۋپى جوعارى.

اياق كيىم

وزگەلەردىڭ اياقكيىمىن پايدالانۋ دا قاۋىپتى. اياقكيىم ءىشى اياق قوزعالىستا بولعاننان كەيىن ىلعالدانادى. ناتيجەسىندە ميكروبتار جينالاتىن ورىنعا اينالادى. ىشەك ينفەكتسياسى سىندى ۆيرۋستار جۋىلماعان قولىڭىزبەن جۇعۋى مۇمكىن. مانيكيۋر قۇرالدارى ەگەر مانيكيۋر جاساتۋ ءۇشىن سۇلۋلىق سالونىنا باراتىن بولساڭىز، بارلىق قۇرالدار زالالسىزداندىرىلعانىنا كوز جەتكىزىڭىز. مانيكيۋر جاساۋشىدان ميكروبتارعا قارسى نە قولداناتىنىن سۇراڭىز. ينفرا قىزىل ستەريليزاتور بۇل جەردە ميكروبتاردى جويۋعا كومەكتەسپەيدى. مانيكيۋرلىك قۇرالداردى تازالاۋعا گلاسپەرلەن كەرەك.

تەلەفون مەن پەرنەتاقتا

جۇمىس كەزىندە كوپشىلىگىمىز ارىپتەسىمىزدىڭ كومپيۋتەرىن، پەرنەتاقتاسىن پايدالانىپ جاتامىز. زەرتتەۋلەر كومپيۋتەر پەرنەتاقتاسى مەن تەلەفونداعى ميكروبتار اجەتحاناداعى ميكروبتاردان 10 ەسە كوپ بولاتىنىن دالەلدەگەن. جەكە پەرنەتاقتاڭىز بەن ۇيالى تەلەفونىڭىزدى ءجيى تازالاپ تۇرۋدى ادەتكە اينالدىرعان ءجون.

سپورت زالىنا قاتىستى بۇيىمدار

سپورتپەن اينالىسقان كەزىندە ادامدار تەرلەيدى. ال تەر ميكروبتار جينالاتىن ەڭ قولايلى ورىن. سىزدەن بۇرىن باسقا ادام پايدالانعان زاتتاردا مىڭداعان ميكروبتار جينالاتىنىن ەستەن شىعارماڭىز. دۇرىسى اۋرۋلاردىڭ الدىن الۋ ءۇشىن جەكە زاتتارىڭىزدى وزىڭىزبەن بىرگە الىپ ءجۇرىڭىز. جاتتىعۋدان سوڭ مىندەتتى تۇردە جۋىنىڭىز. قىزىقتى ماقالالار:

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى