ەلىمىزدە تەگىن ءدارى-دارمەك بەرۋ پروتسەسى قاتاڭ باقىلانادى

دەنساۋلىق ساقتاۋ مينيسترلىگى، «الەۋمەتتىك مەديتسينالىق ساقتاندىرۋ قورى» ك ە ا ق مەن «س ق-فارماتسيا» ج ش س بىرلەسكەن جوبا وتكەن جىلدىڭ سوڭىندا سىناقتان وتكىزىلگەن بولاتىن.

نوبايلى جوبانى ىسە اسىرۋ بارىسىندا 191603 SMS- حابارلاما جىبەرىلدى.

سونىمەن قاتار، ابونەنتتەردەن 8123 جاۋاپ كەلىپ، ماماندار 1218 قوڭىراۋعا جاۋاپ بەردى. «مەديتسينالىق ساقتاندىرۋ قورى بىلتىردان باستاپ كەپىلدەندىرىلگەن تەگىن كومەك پاكەتى شەڭبەرىندە بەرىلەتىن ءدارى-دارمەك پەن مەديتسينا بۇيىمدارىنا اقى تولەۋ ءتارتىبىن وزگەرتتى. جاڭا ءتارتىپ بويىنشا، ءدارى قولما-قول بەرىلگەن جانە «ءدارى-دارمەكپەن قامتاماسىز ەتۋ» اقپاراتتىق جۇيەسىنە ءدارىنىڭ بەرىلگەنى تۋرالى بەلگى سوعىلعان رەتسەپتىلەرگە عانا اقى تولەنۋى ءتيىس. ماۋسىم ايىنىڭ سوڭىنا دەيىن پاتسيەنتتەرگە SMS- حابارلاما جولدانادى. حابارلاما جۇيەگە 2019 -جىلى 1 -قاڭتاردان 30 -ماۋسىمعا دەيىن تەگىن ءدارى-دارمەك العاندار رەتىندە ەنگەن تۇرعىندارعا جىبەرىلەدى. جالپى العاندا، اقپاراتتىق جۇيەدە كورسەتىلگەن 5,7 ميلليون تەلەفون نومىرىنە حابارلاما جىبەرۋ جوسپارلانىپ وتىر»، - دەلىنگەن اكىمدىكتىڭ سايتىندا.

حابارلامادا رەتسەپتىنىڭ ءنومىرى مەن ءدارىنىڭ بەرىلگەن كۇنى كورسەتىلەدى. پرەپاراتتار شىن مانىندە قولىنا تيمەگەن پاتسيەنتتەر SMS- حابارلاماعا جاۋاپ رەتىندە «0» سانىن جولداي الادى نەمەسە «س ق- فارماتسيا» ج ش س-نىڭ 1439 بايلانىس نومىرىنە قوڭىراۋ شالسا بولادى. قوڭىراۋ شالۋ دا، SMS تە - تەگىن.

Kaz.tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى