قازاقستاندىقتار ينتەرنەت ساۋدا ارقىلى قانداي تاۋارلاردى كوپتەپ ساتىپ الادى

 «قازىردىڭ وزىندە ءبىز جۇرگىزىلگەن جۇمىستاردىڭ وڭ اسەرىن بايقاپ وتىرمىز. 2018 -جىلى ەلەكتروندىق ساۋدا نارىعىنىڭ كولەمى 2017 -جىلمەن سالىستىرعاندا 2 ەسەگە جۋىق ۇلعايدى. ينتەرنەت ارقىلى ساتىپ الۋشىلاردىڭ سانى 2 ەسە ارتىپ، 2,3 ميلليون ادامعا جەتتى. نارىقتا 1700-دەن اسا ينتەرنەت- دۇكەن جۇمىس ىستەۋدە. قازىرگى ۋاقىتتا ەلەكتروندى ساۋداعا قاتىستى تاۋار اينالىمىندا 270 ميلليارد تەڭگە ءجۇر» - دەيدى ايجان بيجانوۆا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

دەپارتامەنت باسشىسىنىڭ ايتۋىنا قاراعاندا، قازاقستاندىقتار ينتەرنەت ساۋدانى ايتارلىقتاي دەڭگەيدە مەڭگەرىپ العان.

«ءبىز تۇراقتى تۇردە ينتەرنەت ساۋدا ارقىلى بيزنەس- سۋبەكتىلەرى مەن قاراپايىم ساتىپ الۋشىلار كوپ ساتىپ الاتىن تاۋارلارعا جانە قىزمەتتەرگە تالداۋ جۇرگىزىپ وتىرامىز. شىنىندا دا، بەلگىلى ءبىر ديناميكا بار. ەڭ ءبىرىنشى كەزەكتە، بىزدە ينتەرنەت رەسۋرسى ارقىلى كوپ جاعدايدا قۇرىلىس ماتەريالدارى ساتىپ الىنادى. ودان بولەك، تۇرمىستىق تەحنيكالاردى، موبيلدى تەلەفونداردى ينتەرنەت ارقىلى ساتىپ الۋشىلار مول. سوڭعى ۋاقىتتا كوسمەتيكالىق زاتتاردى، كيىمدى ينتەرنەت ساۋدا ارقىلى الۋشىلار كوبەيىپ كەلەدى»، - دەيدى ايجان بيجانوۆا.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى