كاسپي تەڭىزىنىڭ قازاقستاندىق بولىگىنە مۇناي قالدىقتارى توگىلگەن
وبلىستىق ەكولوگيا دەپارتامەنتىنىڭ ماماندارى ول جەردى قورشاۋعا الىپ، مۇنايدىڭ ودان ءارى جايىلۋىنا بوگەت جاسادى. جاعالاۋدا جۇرگەن تۇرعىندار بۇل جاعدايدى ءتۇسىرىپ الىپ، الەۋمەتتىك جەلىگە جۇكتەگەن. قازىر ەكولوگيا دەپارتامەنتىنىڭ ماماندارى اۋماقتىڭ كىمگە تيەسىلى ەكەنىن جانە قانداي ەكولوگيالىق زاردابى بار ەكەنىن تەكسەرۋدى باستاپ كەتتى.
«جاعاداعى باتىپ كەتكەن كەمەنى كوتەرۋ كەزىندە از عانا مۇناي ونىمدەرى تەڭىزگە توگىلگەنى تۋرالى حابارلاما ءتۇستى. سوندىقتان، ەكولوگيالىق باقىلاۋ مەملەكەتتىك ينسپەكتورلارى مەن لابوراتوريا ماماندارى بىرلەسىپ، اتالعان وقيعا ورنىنا بارىپ قايتتى. ءتيىستى سىنامالار الىندى. كىنالى تۇلعالاردى انىقتاپ جاتىرمىز. سوعان سايكەس جوسپاردان تىس تەكسەرىس جۇرگىزۋ كوزدەلىپ وتىر» ، - دەيدى ماڭعىستاۋ وبلىستىق ەكولوگيا دەپارتامەنتى باسشىسىنىڭ ورىنباسارى رۋسلان توكەنوۆ.
