ءىرى مۇناي كومپانياسىنان جۇمىستان قۋىلعان اقتاۋلىق سوتتا جەڭىپ شىقتى
2017-جىلى «قاراجانباس مۇناي» ا ق- نىڭ ماتەريالدىق-تەحنيكالىق جابدىقتاۋ بازاسى اۋماعىندا ارقان ءىلدىرۋشى بولىپ ىستەيتىن ق. تولەسىنوۆ جازاتايىم وقيعاعا ۇشىراپ، ونىڭ سوڭىندا جۇمىسىنان بوساتىلعان بولاتىن.
جۇمىستان شىعىپ قالعان ق. تولەسىنوۆ اقتاۋ قالاسىنىڭ 2№ سوتىنا ارىز بەرىپ، جاۋاپكەر «قاراجانباس مۇناي» ا ق- نىڭ جۇمىستان شىعارۋ جونىندەگى بۇيرىعىن زاڭسىز دەپ تانۋدى، بۇرىنعى جۇمىسىنا قايتا ورنالاستىرۋدى، امالسىز بوس جۇرگەن ۋاقىتىنا جالاقىسىن، وعان ءتيىستى باسقا دا كوتەرمەلەۋ سىياقىلارىن تولەۋگە مىندەتتەۋدى سۇراعان. ءبىراق سوت ونىڭ تالابىن قاناعاتتاندىرۋدان باس تارتقان.
مۇنىمەن كەلىسپەگەن ول ماڭعىستاۋ وبلىستىق سوتىنىڭ ازاماتتىق ىستەر جونىندەگى اپەللياتسيالىق سوت القاسىنا شاعىم ءتۇسىرىپ، ءوز تالابىن دالەلدەيتىن ناقتى دايەكتەر مەن قۇجاتتار ۇسىنعان.
ناتيجەسىندە، اقتاۋ قالالىق 2№ سوتى شەشىمىنىڭ كۇشى جويىلدى. سوت القاسى «قاراجانباس مۇناي» ا ق- عا ق. تولەسىنوۆتى بۇرىنعى جۇمىسىنا قايتا ورنالاستىرۋدى، امالسىز بوس جۇرگەن ۋاقىتىنا جالاقىسىن، وعان ءتيىستى باسقا دا كوتەرمەلەۋ سىياقىلارىن تولەۋدى مىندەتتەدى.
ۇزاق ۋاقىت بويى جۇمىسسىز ءجۇرىپ، بانك الدىندا قارىزعا باتقان ازامات ءادىل سوت تورەلىگىنە رازىلىعىن ءبىلدىرىپ، قايتا جۇمىسقا ورنالاستى.
