اكتريسانىڭ ءولىمى: ءىلياس كارعا قاتىستى ۇكىم وزگەرىسسىز قالدى
ءىس سوتتالۋشى وكىلىنىڭ ءوتىنىشى بويىنشا قارالدى. ءىلياس كاردىڭ ادۆوكاتى ءبىرىنشى ساتىداعى سوتتىڭ ۇكىمىن وزگەرتۋدى سۇرادى. اتاپ ايتقاندا، قورعاۋشى تاراپ سوتتالۋشىنىڭ قىلمىستى ماس كۇيىندە جاسادى دەگەن ۇكىمىمەن كەلىسپەيدى.
«ۇكىم ونىڭ شەكتەن تىس قاتاڭدىعىنا بايلانىستى زاڭسىز شىعارىلعان جانە كەلەسى نەگىزدەر بويىنشا وزگەرتىلۋى ءتيىس دەپ ويلايمىز. مەنىڭ قورعاۋىمداعى ازاماتقا سوت ەڭ اۋىر جازا تاعايىندادى. بۇل ۇكىم ورەسكەل زاڭبۇزۋشىلىقپەن شىعارىلدى. سوت جان- جاقتى جانە تولىق وبەكتيۆ تەرگەۋ ءۇشىن زاڭمدا قاراستىرىلعان بارلىق شارانى قابىلدامادى»، - دەدى ادۆوكات. سوت سوتتالۋشىنىڭ جانە جابىرلەنۋشى تاراپتىڭ ادۆوكاتتارىن، سونداي-اق پروكۋروردىڭ بارلىق دالەلىن تىڭداپ، قاۋلى شىعاردى: ءىلياس كارعا قاتىستى بۇرىن شىعارىلعان ۇكىمدى وزگەرىسسىز قالدىرۋ.
ەسكە سالايىق، ءىلياس كار 10 جىلعا باس بوستاندىعىنان ايىرىلعان ەدى. ول قاۋىپسىزدىگى مينيمال مەكەمەدە جازاسىن وتەيدى. سونىمەن قاتار، ول كولىك جۇرگىزۋ قۇقىعىنان جەتى جىلعا ايىرىلدى. سونداي-اق، سوت ايىپتالۋشىنى زارداپ شەككەن ءتورت ادامنىڭ وكىلدەرىنە مورالدىق شىعىن رەتىندە ءارقايسىنا 3 ميلليون تەڭگە تولەپ بەرۋدى مىندەتتەدى.
مۇنىڭ الدىندا جابىرلەنۋشى تاراپتىڭ وكىلدەرى 10 ميلليوننان سۇراعان ەدى. وقيعا 2018 -جىلى 29 -جەلتوقساندا بولعان. Mercedes Gelandewagen اۆتوموبيلىن جۇرگىزگەن ءىلياس كار Mitsubishi Galant كولىگىن سوققان. ناتيجەسىندە 33 جاستاعى جۇرگىزۋشى باقىتنۇر قۇناپيا ۇلى، 45 جاستاعى شولپان ەلگەزەكوۆا جانە 40 جاستاعى دينارا حاميتوۆا قازا تاپتى. 41 جاستاعى ايزادا ساتىبالديەۆا اۋىر حالدە ەمحاناعا جەتكىزىلگەن.
ايتا كەتەيىك، وسىعان دەيىن جول اپاتىن جاساعان ءىلياس كاردى پروكۋرور سەگىز جىلعا باس بوستاندىعىنان ايىرۋ جازاسىن سۇراعان. ول شاكير دجۋمازوۆقا دا قاتىستى شەشىم قابىلداۋدى سۇراعان، سەبەبى ول كۋاگەر رەتىندە جول اپاتى بولعان كۇنى ايىپتالۋشىنىڭ ىشىمدىك ىشپەگەنىن ايتقان. المالى اۋداندىق سوتى جانتۇرشىگەرلىك جول اپاتىنا كىنالى دەپ ايىپتالعان ءىلياس كاردىڭ مۇلكىنە تىيىم سالدى. ءىلياس كاردىڭ وكىلدەرى سوت شەشىمىنىڭ الدىندا حاميتوۆتىڭ وتباسىنان باسقا بارلىق جاقتىڭ ماتەريالدىق شىعىندارىن وتەگەن.
الماتىدا اكتريسا قازا تاپقان جول اپاتىنا قاتىستى جاڭا دەرەك شىقتى سوتتالۋشى كولىك جۇرگىزۋدە 15 جىلدىق تاجىريبەسى بار ەكەنىن جانە جول-كولىك وقيعاسىنا بۇرىن-سوڭدى ءتۇسىپ كورمەگەنىن اتاپ ءوتتى. جول-كولىك وقيعاسى الدىندا ول مەيرامحانا مەن كاراوكەدە بولعانىن، ءبىراق ىشىمدىك ىشپەگەنىن ايتتى. ونىڭ ايتۋىنشا، ول ونكولوگيالىق اۋرۋعا شالدىققان. كەيىن ول نە ءۇشىن جول-كولىك وقيعاسىنان ورنىنان كەتىپ قالعانىن ايتىپ بەرگەن ەدى.
Kaz.tengrinews.kz
