بوزىمبايەۆ اتوم ەلەكتر ستانساسىن سالۋعا قاتىستى ماسەلەگە پىكىر ءبىلدىردى

«ەل پرەزيدەنتى قاسىم- جومارت توقايەۆتىڭ ماسكەۋگە ساپارى بارىسىندا رەسەيلىك تاراپتان قازاقستاندا اتوم ەلەكتر ستانساسىن سالۋ مۇمكىنشىلىگىنە قاتىستى ۇسىنىس ايتىلدى.

قازاقستاندا ستانسا سالۋ مۇمكىندىگىنە قاتىستى جۇمىستار سوڭعى 7-8 جىلدا جۇرگىزىلىپ كەلە جاتقاندىعىن اتاپ وتكىم كەلەدى. بۇگىنگى كۇنى تەحنيكالىق- ەكونوميكالىق نەگىزدەمە بولىگىنىڭ ازىرلەنگەن كەزەڭدە تۇرمىز.

وعان سايكەس 5 ەلدىڭ بەيىندى كومپانياسىنا وزدەرىنىڭ ۇسىنىستارىن ءبىلدىرۋى ءۇشىن حات جولداندى. ولار: ا ق ش، فرانسيا، كورەيا، قىتاي جانە رەسەي. بۇل ولاردىڭ تەحنولوگيالىق، كوممەرتسيالىق جانە ەكونوميكالىق پارامەترلەر بويىنشا وزدەرىنىڭ تەحنيكالىق- ەكونوميكالىق ۇسىنىستارىن بەرۋى ءۇشىن جاسالدى. «روس اتوم» دا وسىنداي ۇسىنىس الدى»، - دەدى مينيستر ۇكىمەت وتىرىسىنان كەيىن ب ا ق وكىلدەرىنە بەرگەن سۇحباتىندا.

وسى ورايدا قانات بوزىمبايەۆ بۇگىنگى كۇنى ەلىمىزدىڭ اۋماعىندا اتوم ەلەكتر ستانساسىن سالۋعا قاتىستى ناقتى شەشىمنىڭ ءالى قابىلدانباعانىن ايتتى.

 «ءبىز ءالى دە بۇل ماسەلەنى زەردەلەۋ كەزەڭىندە تۇرمىز. بۇعان قوسا وزگە دە جوبالارمەن جۇمىس ىستەپ جاتىرمىز. شىمكەنتتە ءىرى گاز- بۋ قۇرىلعىسىن سالۋ، الماتىدا ج ە س-2- ءنى گازعا اۋىستىرۋ ارقىلى جاڭعىرتۋ جانە ەلەكتر ەنەرگياسىن ءوندىرۋ قۋاتىن ارتتىرۋ، سونىمەن قاتار بىرنەشە سۋ ەلەكتر ستانساسىن سالۋ كوزدەلۋدە. سوندىقتان مۇنىڭ بارلىعىن بىرگە قامتىپ قاراۋ قاجەت. تاعى دا ايتامىن، ەشقانداي شەشىم جوق»، - دەدى مينيستر.

 سونداي- اق ول بولجامعا سايكەس، 2030 -جىلعا قاراي قازاقستاندا ەلەكتر ەنەرگياسىنىڭ تاپشىلىعى ورىن الۋى مۇمكىن ەكەندىگىن اشىق ايتتى.

«سەبەبى جىل سايىن ەلەكتر ەنەرگياسىن تۇتىنۋ ارتىپ كەلەدى. سوندىقتان قالاي بولعاندا دا 2030 -جىلعا قاراي جاڭا قۋات كوزىن سالۋ قاجەت. ەگەر ۇكىمەت اتوم ەلەكتر ستانساسىن سالۋ تۋراشى شەشىم قابىلدايتىن بولسا، وندا ول اشىق، ەل حالقىمەن قوعامدىق تىڭداۋلار وتكىزۋ ارقىلى كەڭەسىلگەننەن كەيىن قابىلدانادى»، - دەدى ق. بوزىمبايەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى