الماتىدا قىلمىس سانى ءوستى - باس پروكۋراتۋرا

باس پروكۋروردىڭ ورىنباسارى مارات احمەتجانوۆتىڭ ايتۋىنشا، ەلىمىزدىڭ ءۇش ءىرى مەگاپوليسىندە قىلمىستىڭ دەڭگەيى ورتاشا كورسەتكىشتەن جوعارى. سەبەبى ول قالالاردا حالىق كوپ. «دەگەنمەن، ەلوردامىز نۇر-سۇلتان قالاسىندا قىلمىستىڭ دەڭگەيى 15 پروتسەنتكە ازايدى. ال الماتى سياقتى مەگاپوليستە قىلمىستىڭ سانى ءوسىپ وتىر»، - دەدى م. احمەتجانوۆ ەلوردادا وتكەن باسپا ءسوز ءماسليحاتىندا.

ونىڭ سوزىنە قاراعاندا، تۇركىستان، ماڭعىستاۋ مەن جامبىل وبلىستارىندا قىلمىستىڭ دەڭگەيى تومەن دەڭگەيدە. «جالپى، اعىمداعى جىلدىڭ العاشقى توقسانىندا 6330 ادام سوتتالدى. ولاردىڭ ىشىندە ادام ولتىرگەن 167 قىلمىسكەر، ادام دەنساۋلىعىنا قاتتى زالال كەلتىرگەن 546 قىلمىسكەر، ادام زورلاعان 45 قىلمىسكەر، 120 ەسىرتكى ساتۋشى، 365 الاياق، 600 قاراقشى، 977 ۇرى مەن ۇرلانعان زاتتاردى ساتىپ الۋمەن اينالىسقان 15 ادام بار»، - دەپ اتاپ كورسەتتى م. احمەتجانوۆ.

ايتا كەتەيىك، بۇگىنگى بريفينگتە باس پروكۋروردىڭ ورىنباسارى الەۋمەتتىك جەلىدە تاراعان ۆيدەوعا قاتىستى پىكىر ءبىلدىردى. بەلگىسىز بىرەۋ ءىرى كولەمدە اقشا جىمقىرعان بەرگەي رىسقاليەۆ ۇلى بريتانيادا جۇرگەنىن ءتۇسىرىپ الىپتى.

بۇدان بولەك، م. احمەتجانوۆ 20 رەت مال ۇرلاعان بارىمتاشىلاردىڭ ۇستالعانىن مالىمدەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى