السىزدىك سيندرومى قالاي پايدا بولادى؟

شەكتەن تىس شارشاۋدى السىزدىك سيندرومى نەمەسە سوزىلمالى شارشاۋ سيندرومى دەپ اتايدى. ول قانداي بولادى؟ حالىقارالىق اۋرۋلار قۇجاتىندا السىزدىك سيندرومى بىلاي سيپاتتالعان: بۇلشىقەت اۋرۋى، باس اۋرۋى، باس اينالۋ، ۇيقىنىڭ بۇزىلۋى، اسقازاننىڭ بۇزىلۋى سەكىلدى جاعىمسىزدىقتاردىڭ بىرنەشەۋىنىڭ قوسىلۋى جانە ۇنەمى السىزدىك سەزىنۋ، (كەز كەلگەن جۇكتەمەگە) جىلدام شارشاۋ، جۇمىسقا قابىلەتتىلىكتىڭ تومەندەۋى بايقالادى. شارشاۋدىڭ پروبلەماعا اينالۋىنىڭ 10 سەبەبى:

 1. مەن كۇنىنە وتە از نارسە عانا جاساپ ۇلگەرىپ جۇرگەن سياقتىمىن.

 2. مەن بىردەڭەمەن اينالىسىپ وتقاندا، سول نارسەگە زەيىن قويۋ قيىن نەمەسە تىپتەن، مۇمكىن ەمەس.

 3. ۇيىقتاپ تۇرعان سوڭ ءوزىمدى ودان ءارى شارشاعان سەزىنەمىن.

 4. ءوزىمدى بوساڭسىتا المايمىن.

 5. جاساۋىم كەرەك شارۋالاردان قورقامىن.

 6. ۇساق- تۇيەكتەردى ۇمىتىپ قالا بەرەمىن نەمەسە جۇمىستى ناشار ورىندايمىن.

 7. اشۋشاڭ بولىپ بارا جاتىرمىن، شارشاعان كەزدە كۇيگەلەكتەنىپ كەتەمىن.

 8. باسىم، بۇلشىقەتتەرىم جانە اسقازانىم ادەتتەگىدەن ءجيى اۋىراتىن بولدى.

 9. شارشاپ تۇرسام دا ۇيىقتاپ كەتە المايمىن، ۇيىقتاپ كەتسەم دە تۇندە ويانا بەرەمىن.

 10. شارۋالاردى جوسپارلايمىن دا كەيىنگە قالدىرامىن جانە اياقتامايمىن (قالاماعاندىقتان ەمەس، شارشاعاندىقتان) .

ەگەر وزىڭىزدەن وسى ايتىلعان سەبەپتەردىڭ 5 نەمەسە ودان دا كوبىن بايقاساڭىز جانە ول جاعداي ءبىر ايدان اسا ۋاقىتقا سوزىلسا، دەنساۋلىعىڭىزعا ءمان بەرۋ كەرەك. السىزدىك سيندرومى قالاي پايدا بولادى؟ قاۋىپ فاكتورلارى وتە كوپ. ول ەكولوگيادان باستاپ ۆيرۋستارعا دەيىن بولۋى مۇمكىن. سولاردىڭ ىشىندەگى ءجيى كەزدەسەتىن پسيحولوگيالىق فاكتورلارعا توقتالايىق. جۇمىسقا جوعارى قابىلەتتى ادامنىڭ ۇلگىسى بالالىق شاعىندا اتا- اناسىنىڭ ءبىرى (نەمەسە اتا- اجەسىنىڭ ءبىرى) جۇمىسباستى بولدى جانە ونى ءارقاشان ۇلگى ەتىپ، "مىسال" رەتىندە قولداناتىن. وتباسىنىڭ بارلىق مۇشەلەرى سول ادام سەكىلدى "جوعارى" دەڭگەيدە ءجۇرۋ كەرەك بولدى. ەگەر ول دەڭگەيدەن تۇسسەڭىز، ءوزىڭىزدىڭ جانە تۋىسقاندارىڭىزدىڭ الدىندا "جامان" ادام بولاسىز. ياعني، ادام وزىنە وتە جوعارى تالاپ قويادى.

ءبىر جاعىنان، بۇل قاسيەت ناتيجەگە جەتۋگە كومەكتەسەدى، ءبىراق كەرى جاعى دا بار. ءار ادامنىڭ ءوز مۇمكىندىك شەگى بولادى، ال باسقا ادامنىڭ دەڭگەيى ول ءۇشىن شىنىمەن دە مۇمكىن ەمەس بولۋى مۇمكىن. "مەن ىستەۋىم قاجەت" سەزىمىنىڭ "مەن قالايمىننان" اسىپ ءتۇسۋى كەي ادامدار سولاي ىستەۋ "قاجەت" بولعاندىقتان كوپ جۇمىس اتقارىپ جۇرە بەرەدى. "مەن قالامايمىن" دەگەندى سىرتقا ايتپاي، جينالا بەرسە، "قالامايمىن" سەزىمى "مەن جاساي المايمىنعا" اۋىسادى. ارينە، مۇنىڭ ءبارى سانا- سەزىم دەڭگەيىندە عانا بولادى. شاپشاڭدىقتا ءومىر ءسۇرۋدىڭ ادەتكە اينالۋى بۇل ادەت تە سونداي ۇلگى بولعاندىقتان نەمەسە قازىر الەۋمەتتىك جەلىدە بارلىعى ارنارسەگە ۇلگەرىپ جاتقاندىعىن كورگەندىكتەن قالىپتسۋى مۇمكىن. ادام اسىعىستىقتا قاراپايىم شارشاۋدىڭ العاشقى بەلگىلەرىن بايقامايدى جانە اعزانى قالىپقا كەلتىرۋ ءۇشىن ءۇزىلىس جاسامايدى. ادام دەمالا الماسا نەمەسە ىشتەي وزىنە دەمالۋعا تىيىم سالسا جانە وعان سىرتقى جاعدايلار (بالانىڭ دۇنيەگە كەلۋى، تۇرعىلىقتى ورىندى اۋىستىرۋ، جاڭا جۇمىس، مىندەتتەردىڭ وزگەرۋى جانە ت. ب) قوسىلسا، سوزىلمالى السىزدىكتى اينالىپ كەتۋ مۇمكىن ەمەس.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى