عالىمدار قانتتىڭ ادام كوڭىل-كۇيىنە قالاي اسەر ەتەتىنىن ايتىپ بەردى

ولاردىڭ قورىتىندى ماقالاسى Neuroscience Biobehavioral Reviews باسىلىمىندا جاريالانعان دەپ حابارلايدى life.ru-عا سىلتەمە جاساعان KAZ. NUR. KZ.

عالىمداردىڭ سوزىنشە، 1950-جىلدارى ءتاتتى گازدالعان سۋسىن پايدا بولعاننان باستاپ ادامدار قاراپايىم كومىرسۋلاردى كوپ پايدالانادى.

قازىرگى ۋاقىتتا ا ق ش حالقى ءتيىستى مولشەردەن ءۇش ەسە كوپ قانت جەيدى.

«قانت ادامنىڭ كوڭىل-كۇيىن جاقسارتادى دەگەن ۇعىم پوپ مادەنيەتتە كەڭ تاراپ كەتتى. سول سەبەپتى الەم بويىنشا ادامدار كوڭىل-كۇيىن كوتەرىپ، شارشاعانىن باسۋ ءۇشىن ءتاتتى سۋسىندار ىشە باستادى»، - دەدى بەرلين قالاسىندا ورنالاسقان گۋمبولدت ۋنيۆەرسيتەتىنىڭ پسيحولوگى كونستانتينوس مانتانتزيس.

قانتتى قولدانعاننان كەيىن ادام ءوزىن جاقسى سەزىنە باستايتىنىن كورسەتەتىن زەرتتەۋلەر وتە كوپ.

ءبىراق ماماندار بۇل جۇمىستاردى باسقا قىرىنان قاراپ شىقتى.

ناتيجەسىندە زەرتتەۋشىلەر بۇرىنعى جۇمىس ناتيجەلەرىنە كەرى قورىتىندى جاسادى. ولاردىڭ حابارلاۋىنشا، ءتاتتى گازدالعان سۋسىن ىشكەن ادام، كەرىسىنشە، ەنجار بولىپ كەتەدى.

«ءبىزدىڭ زەرتتەۋىمىز «قانت بەزگەگى» تۋرالى اڭىزدى جوققا شىعارىپ، قوعامدىق دەنساۋلىق ساقتاۋ ورگاندارى قانتتى از جەۋگە باعىتتالعان ساياسات جۇرگىزەدى دەپ ۇمىتتەنەمىز»، - دەپ اتاپ ءوتتى بريتاندىق ۋوريك ۋنيۆەرسيتەتىنىڭ عىلىمي قىزمەتكەرى ەليزابەت مەيلور.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى