كۇنىنە نەشە ليتر سۋ ءىشۋ كەرەك؟
BBC باسىلىمىنىڭ جازۋىنشا، 19- عاسىردا ءتىپتى گيدروپاتيا، ياعني سۋمەن ەمدەۋ عىلىمىنىڭ نەگىزى قالانىپتى. دەگەنمەن، بۇگىنگى تاڭدا بىرەۋلەر كۇنىنە ەكى ليتر سۋ ءىشۋ كەرەك دەسە، ءبىرى ءشول قىسقاندا عانا سۋ ءىشۋ كەرەكتىگىن ايتىپ جاتىر. باسىلىم وسى ماسەلەنى جان جاقتى تالداپ جازادى، دەپ حابارلايدى قازاقپارات.
«كۇن سايىن سۋ ءىشۋ دەنساۋلىقتىڭ جاقسى بولۋىنا اسەر ەتەدى، ەنەرگيا ارتىپ، تەرى جاقسارادى. ارتىق سالماق كەتىپ، وبىر دەرتىنىڭ الدىن الادى. مىنە، اينالامىزدا وسىنداي اقپارات كوبەيىپ كەتتى. سونىمەن قاتار «8x8» ەرەجەسى پايدا بولدى. ياعني، كۇنىنە 8 ستاكان سۋ ءىشۋ كەرەكتىگى ايتىلىپ جاتىر»، دەيدى اۆتور.
ونىڭ ايتۋىنشا، بۇل ەرەجەنىڭ ەش عىلىمي نەگىزى جوق.
«1945-جىلى ا ق ش ۇلتتىق زەرتتەۋ كەڭەسى ءار كالورياعا ءبىر ميلليليتر سۋ ءىشۋ كەرەكتىگىن ايتقان. ياعني، 2000 كالوريا تاماق ءىشىپ دياتەدا وتىرعان ايەلدەر ەكى ليتر سۋ ىشۋلەرى كەرەك دەگەن ءسوز. قازىرگى ەرەجە وسى جاعدايدىڭ قاتە تۇسىندىرۋىنەن تۋعان بولۋى مۇمكىن»، دەپ جازادى باسىلىم.
اۆتوردىڭ ايتۋىنشا، 1974-جىلى شىققن ديەتولوگتاردىڭ كىتابىندا دا كۇنىنە التى - سەگىز ستاكان سۋ ىشۋگە كەڭەس بەرىلگەن. دەگەنمەن، بۇل كىتاپتا سۋ جەمىس-جيدەك نەمەسە كوفە قۇرامىندا بولسا دا ەسەپكە الىنعان.
«مامانداردىڭ كوبى سۋدىڭ مولشەرىنە قاتىستى الاڭداماۋ كەرەكتىگىن ايتىپ كەلەدى. اعزاعا سۋ قاجەت كەزدە ول بەلگى بەرەدى. سۋدى وتە كوپ ءىشۋ تەك ارتىق سالماقتان ارىلۋعا كومەكتەسەدى»، دەيدى اۆتور.
