پاۆلودار اكىمى حالىقتىڭ مۇڭ-مۇقتاجىن تىڭداۋدىڭ جاڭا ءتاسىلىن ۇسىندى
بارلىق ۆيدەووتىنىمدەر تىكەلەي اكىمنىڭ قاراۋىنا تۇسەدى.
بۇل تۋرالى ءوڭىر اكىمى بولات باقاۋوۆ ينستاگرام جەلىسىندەگى پاراقشاسىندا مالىمدەدى.
«ەندىگى جەردە وبلىستىق اكىمدىكتىڭ عيماراتىندا ءاربىر وبلىس تۇرعىنى ءوزىن تولعاندىرعان ماسەلە بويىنشا بەينەساۋال جازىپ قالدىرا الادى. بارلىق بەينەساۋالدار تىكەلەي مەنىڭ قاراۋىما كەلىپ تۇسەدى»، - دەلىنگەن اكىم جازباسىندا.
ايتا كەتەيىك، بولات باقاۋوۆ 2019 -جىلدىڭ اقپان ايىندا ينستاگرام جەلىسىندە پاراقشا اشىپ، ەكى ايدا 16 مىڭنان استام وقىرمان جينادى. پاراقشادا اكىمنىڭ وقيعالارعا جەكە پىكىرلەرى، وتباسىلىق سۋرەتتەرى، ءوڭىر جاعدايى تۋرالى مالىمەتتەر جازىلعان.
