ملەكەتتىك قىزمەتشىلەر ءىس ساپاردا قانداي كيىم ۇلگىسىندە بولۋ كەرەك
ول مەملەكەتتىك قىزمەتكە ىرىكتەۋ، سونداي-اق پەرسونالدى ىنتالاندىرۋ جانە دامىتۋ ماسەلەلەرى بويىنشا سۇراقتارعا جاۋاپ بەرۋدە.
اتاپ ايتقاندا ينتەرنەت- كونفەرەنسيا «اشىق ديالوگ» پورتالىندا ناقتى ۋاقىت رەجىمىندە وتكىزىلۋدە. وسى ورايدا ا. شايىموۆاعا «مينيسترلىكتىڭ جاۋاپتى حاتشىسى ءىسساپار كەزىندە قانداي كيىم ۇلگىسىندە بولۋ كەرەك؟» دەگەن ساۋال قويىلدى.
«مەملەكەتتىك قىزمەتشىلەردىڭ سىرت كەلبەتى مەملەكەتتىك قىزمەتشىلەردىڭ ەتيكالىق كودەكسىنىڭ 5-تارماعىنىڭ 14-تارماقشاسىندا رەتتەلگەن. اتاپ ايتقاندا، مەملەكەتتىك قىزمەتشىلەردىڭ سىرت كەلبەتى ولاردىڭ قىزمەتتىك مىندەتتەرىن ورىنداۋ كەزىندە مەملەكەتتىك اپپاراتتىڭ بەدەلىن نىعايتۋعا ىقپال ەتۋگە، ىسكەرلىكپەن، ۇستامدىلىقپەن جانە ۇقىپتىلىقپەن ەرەكشەلەنەتىن جالپى قابىلدانعان ىسكەرلىك تالاپتارىنا ساي بولۋعا ءتيىس. بۇل تالاپتار بارلىق مەملەكەتتىك قىزمەتشىلەرگە، ونىڭ ىشىندە قىزمەتتىك ءىسساپاردا بولعان جاعدايدا دا قولدانىلادى»، - دەپ جاۋاپ قايىردى اگەنتتىك ءتوراعاسىنىڭ ورىنباسارى.
