جەمقورلىققا قارسى اگەنتتىكتىڭ ءتوراعاسى سىبايلاس جەمقورلىققا بايلانىستى پىكىر ءبىلدىردى
بۇل تۋرالى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اليك شپەكبايەۆ فەيسبۋكتەگى پاراقشاسىندا جازدى.
«ادالدىق، اشىقتىق، جاۋاپكەرشىلىك، ەسەپ بەرۋشىلىك - تەك سوزدەر عانا ەمەس. بۇل سىبايلاس جەمقورلىقتان ازات قوعامنىڭ باستى قۇندىلىقتارى. قىلمىستىق شارالار ماڭىزدى، ءبىراق پروبلەمانى تۇبەگەيلى شەشۋدى قامتاماسىز ەتپەيدى. ءتىپتى ءولىم جازاسى شەنەۋنىكتەردىڭ پارا الۋىن ءالى دە توقتاتپاعان قىتايدىڭ مىسالى وسىعان دالەل. بۇكىل قوعامنىڭ اۋقىمىندا سىبايلاس جەمقورلىققا قارسى كوزقاراستى قالىپتاستىرۋ - بۇل ۇزاق مەرزىمدى پروتسەسس. ءبىراق جەكە دەڭگەيدە ءارقايسىمىز ونى وتە تەز جاساي الامىز. ەڭ باستىسى - نيەت پەن ەرىك»، - دەدى ول.
ونىڭ اتاپ وتۋىنشە، ازاماتتىق قوعام اناعۇرلىم اشىق جانە بەلسەندىرەك بولا باستادى. مەملەكەتتىك ورگانداردىڭ جانىنداعى قوعامدىق كەڭەستەرمەن بىرگە ارنايى مونيتورينگتىك توپتار مەملەكەتتىك قىزمەتتەردىڭ ساپاسىن ارتتىرۋعا ايتارلىقتاي ۇلەس قوسۋدا. مەملەكەتتىك كورسەتىلەتىن قىزمەتتەردى الۋ ءۇشىن قولايلى جاعدايلار جاساۋ بويىنشا اۋقىمدى جۇمىستار جۇرگىزىلۋدە. ىڭعايلى فرونت-كەڭسەلەرى بار سەرۆيستىك اكىمدىكتەر اشىلۋدا. فورماتىندا 180-نەن استام مەملەكەتتىك مەكەمە جۇمىس ىستەيتىن open space ەنگىزىلۋدە.
«جاقىندا عانا ونى شىمكەنت قالاسىنىڭ اكىمدىگى دە جاسادى. كىم بىلەدى، مۇمكىن، بۇل اكىمدىكتەر ءۇشىن جاڭا چەللەندجدىڭ باسى بولار.
ءبىز ازىرلەگەن «Digital Agent» جانە «اشىق بيۋدجەتتەردىڭ ينتەراكتيۆتى كارتاسى» it-ونىمدەرى قازاقستانداعى كەز كەلگەن ادامعا مەملەكەتتىك سەرۆيستى جاقسارتۋعا جانە ۇيالى تەلەفون ارقىلى بيۋدجەتتىڭ شىعىستارىن، قۇرىلىس ساپاسىن، جولدار جوندەۋىن باقىلاۋعا تەڭدەسى جوق مۇمكىندىك بەرەدى. بيزنەس- قوعامداستىق تا ايتارلىقتاي دامىپ كەلەدى. بيزنەستى جانە ينۆەستيتسيالاردى قورعاۋعا ارنالعان جوبا شەڭبەرىندە بىزبەن 300-دەن استام كومپانيا جۇمىس ىستەيدى. ولار پاراسىز - ادال بيزنەستى جۇرگىزۋگە وزىنە مىندەتتەمە الدى»، - دەدى اگەنتتىك باسشىسى.
ا. شپەكتايەۆتىڭ ايتۋىنشا، وسكەلەڭ ۇرپاق اراسىندا سىبايلاس جەمقورلىققا قارسى كوزقاراستى دامىتۋ ءۇشىن ەلىمىزدەگى بارلىق مەكتەپتەردە «ادال ۇرپاق» كلۋبتارى اشىلدى. كوللەدجدەر مەن جوعارعى وقۋ ورىندارى دەڭگەيىندە اكادەميالىق ادالدىق قاعيدالارىن جانە ولاردىڭ قىزمەتىنىڭ اشىقتىعىن نىعايتۋعا باعىتتالعان «سانالى ۇرپاق» جوباسى ىسكە اسىرىلۋدا.
«مەملەكەتتىك قىزمەتشىلەردىڭ ساناسىن ترانسفورماتسيالاۋ ماقساتىندا مەملەكەتتىك باسقارۋ اكادەمياسى اۋىل جانە اۋدان اكىمدەرىنىڭ كوپشىلىگىن جوبالاردى باسقارۋ، ءتيىمدى كوممۋنيكاتسيالار، ەتيكا جانە ادالدىققا ۇيرەتتى. سوندىقتان، ءبىز ولاردىڭ جۇمىسىنىڭ اشىقتىعى مەن كليەنتكە باعدارلانۋىنىڭ ناقتى ۇلعايۋىن كۇتەمىز. ادال قوعامدى قۇرۋ شاعىن ىستەردەن باستالادى. سولاردىڭ ءبىرى ساتۋشىلارى جوق ادالدىق دۇكەندەرىنىڭ اشىلۋى بولدى. جارتى جىلدىڭ وزىندە «ادالدىق دۇكەنى» ورىندارىنىڭ 3700-دەن استامى اشىلدى: مەملەكەتتىك ورگانداردا، جوعارعى وقۋ ورىندارىندا، مەكتەپتەردە، سوتتاردا، ءتىپتى پوليتسيادا. ساتىپ الۋشىلارعا كەدەرگىسىز قىزمەت كورسەتۋدى اشىپ جاتقان «رامستور» جانە «ماگنۋم» سياقتى تانىمال سۋپەرماركەتتەر جەلىلەرىنىڭ ءبىزدىڭ يدەيامىزدى قولداۋى قۋانتادى. ارينە سىزدەر الماتى مەتروسىنداعى ادالدىق تۋرنيكەتى تۋرالى دا ەستىگەن شىعارسىزدار. بۇل باستاما كۇشەيە تۇسۋدە»، - دەدى ول.
اگەنتتىك باسشىسىنىڭ پايىمىنشا، وڭ وزگەرىستەر بار. جەكە جوبالار مەن ءىس-شارالار اۋقىمدى ەمەس كورىنۋى مۇمكىن، الايدا بىرگە ولار ورتانى جانە قوعامدىق سانانى وزگەرتەتىن پازلدى قۇرايدى.
«ءبىزدىڭ بارلىق باستامالارىمىز مەملەكەت باسشىسى ءادىل اتاپ وتكەندەي سىبايلاس جەمقورلىققا قارسى كۇرەس مەملەكەتتىڭ عانا ەمەس، بارلىق ازاماتتاردىڭ مىندەتى دەگەن ۇعىمدى ءاربىر قازاقستاندىقتىڭ سانا- سەزىمىنە جەتكىزۋگە باعىتتالعان. دوستار، ءبىز تۇڭعىش پرەزيدەنتتىڭ تاپسىرماسىنا سايكەس «سىبايلاس جەمقورلىقتان ادا وڭىرلەر» رەسپۋبليكالىق جوباسىن جۇزەگە اسىرۋدامىز #Adaldyq_alany. مەملەكەتتىك قىزمەتتىڭ ساپاسىن جاقسارتقىسى جانە تۇرمىستىق سىبايلاس جەمقورلىقتى جويعىسى كەلگەن كەز كەلگەن ىنتاسى بار ادام وعان قوسىلا الادى. تەك سىزدەردىڭ بەلسەندى قولداۋلارىڭىزبەن عانا جوبا جەمقورلىققا قارسى جالپىۇلتتىق قوزعالىسقا اينالادى»، دەدى ا. شپەكبايەۆ.
