قازاقستاننىڭ ۇزدىك گەولوگتارى ماراپاتتالدى
ق ر يندۋستريا جانە ينفراقۇرىلىمدىق دامۋ ۆيتسە-ءمينيسترى تيمۋر توقتابايەۆ الەمدە شيكىزات رەسۋرستارىن تۇتىنۋ مەن ءوندىرۋدىڭ قارقىندى ءوسۋى جاعدايىندا گەولوگياداعى دامىتۋ مەن جاڭعىرتۋ ماسەلەلەرىنىڭ وزەكتىلىگى ارتىپ وتىرعانىن اتاپ ءوتتى.
ينۆەستيتسيالىق احۋالدى جاقسارتۋ ماقساتىندا ەڭ ۇزدىك الەمدىك تاجىريبەگە نەگىزدەلگەن «جەر قويناۋى جانە جەر قويناۋىن پايدالانۋ تۋرالى» كودەكس بەكىتىلىپ، جەر قويناۋىن پايدالانۋدىڭ ينۆەستيتسيالىق تارتىمدىلىعى بويىنشا فرەيزەر ينستيتۋتىنىڭ الەمدىك رەيتينگىسىندە قازاقستان 49 پوزيتسياعا، ياعني 104 ەلدىڭ ىشىندە 73-ورىننان 24-ورىنعا كوتەرىلدى.
سالتاناتتى جيىن بارىسىندا اتاقتى گەولوگ-عالىم قانىش ساتبايەۆتىڭ عىلىمعا قوسقان جانە سالانى دامىتۋداعى وراسان زور ەڭبەگى تۋرالى اتاپ ءوتىلدى. ايتا كەتەيىك، بيىل ەل اۋماعىندا قانىش يمانتاي ۇلىنىڭ 120 جىلدىعىنا وراي حالىقارالىق كونفەرەنسيالار ۇيىمداستىرىلىپ جاتىر.
اتاپ ايتقاندا، ءوندىرىس وزاتتارى «قازاقستان رەسپۋبليكاسى جەر قويناۋىنىڭ قۇرمەتتى بارلاۋشىسى»، «قازاقستان رەسپۋبليكاسى جەر قويناۋىن بارلاۋدىڭ ۇزدىگى» اتاقتارىنا، ۆەدومستۆولىق ماراپاتتارعا، العىس حاتتارعا، سونداي-اق گراموتالارعا يە بولدى.
سونىمەن، بۇگىن «قازاقستان رەسپۋبليكاسىنىڭ قۇرمەتتى جەر قويناۋىن بارلاۋشى» اتاعىمەن «E&P PetroConsulting» ج ش س باس ديرەكتورى ج. اريستامبايەۆ، «قاز اتوم ونەركاسىپ» ا ق تاۋ-كەن دەپارتامەنتىنىڭ ديرەكتورى ۆ. بارماسوۆ، «قازگەولوگيا» ا ق I ساناتتى گيدروگەولوگى ع. جارمۇحامبەتوۆا، «nova تسينك» ج ش س باس گەولوگى ا. ءجۇسىپوۆ ماراپاتتالدى.
بۇدان بولەك، «قازاقستان رەسپۋبليكاسى جەر قويناۋىن بارلاۋدىڭ ۇزدىگى» ءتوس بەلگىسى ق. ساتبايەۆ اتىنداعى گەولوگيا جانە جەر قويناۋىن پايدالانۋ ينستيتۋتى كافەدراسىنىڭ مەڭگەرۋشىسى ا. بەكبوتايەۆاعا، «قازگەولوگيا» ا ق جەتەكشى گەولوگى ا. حامزينگە تابىستالدى.
