ەلىمىزدىڭ وڭتۇستىگىندە ەگىس ناۋقانى باستالدى
اۋىل شارۋاشىلىعى باسقارمالارىنىڭ الدىن الا اقپاراتىنا سايكەس، 2019 -جىلى جالپى اۋماعى 22 ميلليون 300 مىڭ گەكتار اۋماققا ەگىن سالۋ كوزدەلگەن. بۇل وتكەن جىلعا قاراعاندا شامامەن 291 مىڭ گەكتارعا ارتىق.
اقبار ماۋلەنوۆتىڭ ايتۋىنشا، جالپى، رەسپۋبليكانىڭ اگروونەركاسىپتىك كەشەنىندە قازىرگى تاڭدا 147 مىڭ تراكتور، شامامەن 4 مىڭ جوعارى ءونىمدى ەگىس كەشەنى، 80 مىڭعا جۋىق سەپكىش پەن 250 مىڭ توپىراق وڭدەيتىن قۇرال بار. كوكتەمگى ەگىس ناۋقانىن جۇرگىزۋ ءۇشىن تراكتورلاردىڭ دايىندىعى 91 پروتسەنتتى، ەگىس كەشەندەرىنىڭ دايىندىعى 100 پروتسەنتتى قۇرادى. ەنەرگەتيكا مينيسترلىگىنىڭ ماقۇلداۋىمەن بيىل ەگىن سالۋ جۇمىستارىنا 380 مىڭ توننا جانار- جاعارماي ءبولىندى.
تۇركىستان وبلىسىنىڭ اۋىل شارۋاشىلىعى باسقارماسىنىڭ باسشىسى نۇربەك بادىراقوۆتىڭ ايتۋىنشا، ەنەرگەتيكا مينيسترلىگى مۇناي وڭدەۋ زاۋىتتارىنان شىعارىلاتىن 1 ليتر جانار- جاعارماي قۇنى 160 تەڭگەگە تەڭ. تاسىمالداۋ شىعىنى ەسكەرىلىپ، وڭىرلەردە ونىڭ ليترى 176 تەڭگە بولادى دەپ بولجانۋدا. بۇل نارىقتاعى باعادان 10 پروتسەنتكە ارزان دەيدى باسقارما باسشىسى.
