پاۆلودار وبلىسى قىتايمەن ىنتىماقتاستىقتى دامىتۋعا دايىن
«ءبىز قىتاي تۇتىنۋشىلارى تاراپىنان بىزدەگى ەكولوگيالىق تازا تاماق ونىمدەرىنە دەگەن قىزىعۋشىلىقتىڭ جوعارى ەكەنىن بايقايمىز، - دەدى بولات باقاۋوۆ. - ءبىز بارلىق سالالاردا، اسىرەسە ەت جانە كوكونىس ونىمدەرىن جەتكىزۋ بويىنشا، سونداي- اق ازىق ءوندىرۋ ءۇشىن شيكىزاتتى دامىتۋ بويىنشا ءوزارا ىنتىماقتاستىقتى دامىتۋعا دايىنبىز».
ايماق باسشىسى قىتايلىق ينۆەستورلاردى پاۆلودار وبلىسىنداعى اليۋمينيي كلاستەرىن، مەتاللۋرگيانى، حيميا ونەركاسىبىن جانە اۋىل شارۋاشىلىعىن دامىتۋ تۋرالى بىرنەشە جوبانى ىسكە اسىرۋعا شاقىردى.
«پاۆلودار وبلىسى مەن ق ح ر اراسىنداعى ىنتىماقتاستىقتىڭ ايقىن مىسالدارىنىڭ ءبىرى - NFC كومپانياسىنىڭ مەردىگەرى رەتىندە تەحنولوگيالاردى پايدالانا وتىرىپ، مۇناي كوكستەرىن وندىرۋمەن اينالىساتىن «پاۆلودار» اەا- نىڭ جۇزەگە اسىرىلۋى، - دەدى پاۆلودار وبلىسىنىڭ اكىمى بولات باقاۋوۆ حالىقارالىق «سان باو» كومپانياسىنىڭ ديرەكتورى كان حەپينمەن نۇر- سۇلتانداعى رەسمي كەزدەسۋى بارىسىندا. - 2018 -جىلدىڭ سوڭىندا قىتايعا كوكس ەكسپورتى 40 ميلليون ا ق ش دوللارىن قۇرادى. وسى كومپانيانىڭ قاتىسۋىمەن پاۆلودار مۇناي- حيميا زاۋىتىنىڭ اۋقىمدى جوندەۋ جۇمىستارى اياقتالدى. ول ءوز كەزەگىندە كاسىپورىننىڭ ەۋرو-5- ءتىڭ انالوگى سانالاتىن ك-5 كلاستى ەكولوگيالىق تازا جانارمايىن الۋعا سەپتىگىن تيگىزدى».
«قىتاي ازيا ەلدەرى بويىنشا پاۆلودار وبلىسىنىڭ نەگىزگى ساۋدا سەرىكتەستەرىنىڭ ءبىرى بولىپ قالا بەرەدى. ايماقتان ق ح ر- عا شىعارىلاتىن جالپى ساۋدا كولەمى 20 پايىزدان اسادى نەمەسە 846 ميلليون ا ق ش دوللارىنان جوعارى»، - دەدى وبلىس اكىمى.
2017 -جىلمەن سالىستىرعاندا ءوزارا ساۋدا كورسەتكىشى نەگىزىنەن فەرروحروم ەكسپورتىنىڭ كولەمى 1,2 ەسە ارتتى.
ونىڭ ۇستىنە پاۆلودار ايماقتىڭ نەگىزگى جولىندا ورنالاسقان: وڭتۇستىك- ءسىبىر جانە ورتاءسىبىر تەمىرجول ماگيسترالى، رەسپۋبليكالىق ماڭىزى بار اۆتوموبيل جولدارى، مۇندا اۋە قاتىناسى مەن وزەن كولىكتەرىنىڭ تۇرلەرى، سونداي- اق قۇبىرلار مەن تالشىقتى- وپتيكالىق جەلىلەرى بار.
«پاۆلودار وبلىسىنىڭ، تۇتاس قازاقستاننىڭ بۇلاي ورنالاسۋى قىتايدان ەۋروپاعا جانە كەرى قاراي جۇكتەردى تاسىمالداۋ ءۇشىن زور مۇمكىندىكتەر اشادى»، - دەدى وبلىس باسشىسى بولات باقاۋوۆ.
اۆتور: انتون گاگارين
