قازاق-امەريكا ۋنيۆەرسيتەتىندە ارۋلار بايقاۋى ءوتتى
بيىلعى جاريالانعان جاستار جىلى اياسىندا قازاق-امەريكا ۋنيۆەرسيتەتى ستۋدەنت جاستاردىڭ وسىنداي يگى باستامالارىنا قولداۋ كورسەتىپ وتىر.
جىل سايىنعى وتكىزىلەتىن ءداستۇرلى شارا ق ا ۋ ستۋدەنت ونەرپازدارىنىڭ ومىردەگى ەستەن كەتپەس ەڭ جارقىن ساتتەرىنىڭ ءبىرى بولىپ قالارى انىق.
«Queen of University-2019» بايقاۋىنا قاتىسقان جوعارى وقۋ ورنىنىڭ ەڭ سۇلۋ ارۋلارى تانىستىرعان «ەركە- نۇر» ءسان ءۇيىنىڭ ۇلتتىق ناقىشتاعى كيىم ۇلگىلەرىنىڭ كورسەتىلىمىن كوپشىلىك ايرىقشا قىزىعىپ تاماشالادى. ۋنيۆەرسيتەتتىڭ ەڭ سۇلۋ قىزى اتانۋ ءۇشىن 12 قىز باق سىنادى. ولار بىرنەشە اي بويى جارىسقا دايىندالىپ، وزدەرىنىڭ بويلارىنداعى دارىندارىن كورسەتۋگە تىرىستى.
بايقاۋ ەرەجەسىنە ساي ارۋلار ساحنادا شىعارماشىلىق، ينتەللەكتۋالدىق قابىلەتتەرىن كورسەتىپ، كوللەكتسيالىق كيىم مەن ءساندى كويلەك ۇلگىسىن تانىستىردى.
قازىلار القاسىنىڭ قۇرامىندا ديزاينەرلەر مەن مودەلدەر بولدى. سونداي-اق، بايقاۋعا قاتىسۋشىلاردىڭ دارىنىن يۋنەسكونىڭ ق ر- داعى گەوساياساتتار جونىندەگى ۇلتتىق كوميتەتىنىڭ ءتوراعاسى ديليارا ۆۋدۆورد، ق ر سىرتقى ىستەر مينيسترلىگى الماتى قالاسىنداعى وكىلدىگىنىڭ كەڭەسشىسى رۋسلان بۋلتريكوۆ، «ەركە-نۇر» ءسان ءۇيىنىڭ جەتەكشىسى فاريدا مەرحاميت قىزى جانە مادەنيەت، ونەر قايراتكەرلەرى جوعارى باعالادى.
ايتا كەتۋ كەرەك، امەريكالىق جانە قازاقستاندىق ءبىلىم بەرۋ باعدارلامالارىنىڭ سينتەزى نەگىزىندە وسىنداي جوعارى وقۋ ورنىنىڭ رۋحاني-مادەني ماڭىزدى بايقاۋىنىڭ نەگىزىن قالاۋشى ق ا ۋ- ءنىڭ پرەزيدەنتى ءامىرلان قۇسايىنوۆتىڭ ءوزى بولدى. ماسەلەن، 1997-جىلدان باستاپ ق ا ۋ ەلىمىزدىڭ ءبىلىم بەرۋ الاڭىندا ءوزىنىڭ تابىستىلىعىمەن ىرگەلى ءبىلىم ورداسىنىڭ قاتارىندا كەلەدى.
بيىل قازاقى داستۇرلەردى كەڭىنەن ناسيحاتتاپ جۇرگەن بايقاۋعا 21 جىل تولىپ وتىر.
ءبىزدىڭ ارىپتەس ۇيىمدارىمىزدىڭ ارقاسىندا بايقاۋ ءاردايىم جوعارى دەڭگەيدە وتكىزىلىپ كەلەدى. مۇنداي بىرەگەي جوبانىڭ ماقساتى - جاس ۇرپاقتى مادەني ومىرگە تارتۋ، ولاردىڭ بويىندا ەستەتيكالىق تالعامدى قالىپتاستىرۋ، جاستاردىڭ ۇلتتىق ءداستۇر مەن ەل تاريحىن، ادەبيەتىن جەتىك بىلۋگە تاربيەلەۋ»، - دەپ اتاپ ءوتتى ۋنيۆەرسيتەتتىڭ سىرتقى بايلانىستار جانە ستۋدەنتتىك ماسەلەلەر بويىنشا پرورەكتورى جانەركە يمانبايەۆا.
اراۋلار اراسىنان ءون بويى وزىق شىققان «راديوتەحنيكا، ەلەكترونيكا جانە تەلەكوممۋنيكاتسيا» ماماندىعى بويىنشا ءبىلىم الىپ جاتقان 2- كۋرس ستۋدەنتى ايدانا نۇربايەۆا سۇلۋلىق بايقاۋىنىڭ ءتاجىنىڭ يەگەرى اتاندى.
«بۇل بايقاۋدان كوپ نارسەنى ءتۇيدىم. بىزگە ۇيىمداستىرۋشىلارعا وسىنداي مۇمكىندىك بەرگەنى ءۇشىن العىسىم شەكسىز. بۇل جوبا ماعان ءوز ارماندارىمدى جۇزەگە اسىرۋعا ۇلكەن اسەرى بولاتىنى ءسوزسىز»، - دەدى ايدانا.
سالتاناتتى كەشتىڭ سوڭىندا قازاق-امەريكا ۋنيۆەرسيتەتىنىڭ پرەزيدەنتى ءامىرلان قۇسايىنوۆ بايقاۋدىڭ جەڭىمپازى ايدانا نۇربايەۆاعا 180000 تەڭگەنىڭ قارجىلاي سەرتيفيكاتىن تابىس ەتتى.
