زەرتتەۋ ناتيجەسى: كوفە وتە قاۋىپتى اۋرۋدىڭ الدىن الادى

عالىمدار ادام ومىرىنە اسا ءقاۋىپتى اۋرۋلاردىڭ الدىن الاتىن كوفە تۇرلەرىن انىقتادى

كوفە داندەرىن قۋىرعان كەزدە السگەيمەر جانە پاركينسون اۋرۋىنىڭ الدىن الاتىن فەنيليندان زاتى تۇزىلەدى، دەپ حابارلايدى كرەمبيل زەرتتەۋ ينستيتۋتى مەن تورونتو ۋنيۆەرسيتەتىنىڭ عالىمدارى. زەرتتەۋ ناتيجەلەرى ScienceDaily پورتالىندا جاريالاندى.

جۇمىس اۆتورلارى كوفەنىڭ 3 ءتۇرىن زەرتتەگەن: جەڭىل-جەلپى قۋىرىلعان كوفە، سونىمەن قاتار قاتتى قۋىرىلعان، قۇرامىندا كوفەينى بار جانە كوفەينى جوق كوفە. بەلگىلى بولعانداي كوفەنىڭ سوڭعى ەكى ءتۇرى قارتايعاندا اقىل- وي قابىلەتىنىڭ تومەندەۋىنىڭ الدىن الادى ەكەن، دەمەك التسگەيمەر جانە پاركينسون سياقتى دەرتتەردەن ساقتايدى. جانە بۇل جاعىمدى قاسيەتى قۇرامىنداعى كوفەينگە ەمەس، قۋىرعان كەزدە تۇزىلەتىن باسقا قوسىلىسقا بايلانىستى.

ادام اعزاسىنا پايداسى مول بۇل زات فەنيليندان انتيوكسيدانتى بولىپ شىقتى. ول اقىل- ەستىڭ تومەندەۋىنە اكەپ سوعاتىن نەيروفيبريللالار - اميلويد تۇيىندەرىنىڭ پايدا بولۋىنا كەدەرگى جاسايدى.

«فەنيلينداننىڭ ەرەكشەلىگى سول، التسگەيمەر جانە پاركينسون دەرتتەرىنە ءتان بەتا- اميلويدتار مەن تاۋ- ءنارۋىزدارىنىڭ جينالۋىنان ساقتايتىن جالعىز قوسىلىس»، - دەپ اتاپ ءوتتى زەرتتەۋشى دونالد ۋيۆەر.

دەرەككوز: ru/science

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى