جاس ماماندارعا جارتى ميلليون تەڭگەدەن بەرىلە باستادى
«2019 -جىلعى 2 - ساۋىردەگى ق ر ۇكىمەتىنىڭ وتىرىسىندا ق ر پرەمەر- ءمينيسترى اسقار مامين العاشقى مەديتسينالىق- سانيتارلىق كومەك كورسەتۋدىڭ قولجەتىمدىلىگى مەن ساپاسىن جاقسارتۋعا قاتىستى ناقتى تاپسىرمالار بەردى. تاپسىرمالاردىڭ ءبىرى - اۋىلدىق ەلدى مەكەندەردە قىزمەت ەتەتىن جاس ماماندارعا الەۋمەتتىك قولداۋ كورسەتۋ. وسى ورايدا وبلىستىق جانە اۋداندىق مەديتسينالىق ۇيىمدارعا قاجەتتى جاس مامانداردى قولداۋ ماقساتىندا ق ر كاسىپوداقتار فەدەراتسياسى «SENIM» سالالىق كاسىپوداعىمەن بىرلەسە وتىرىپ، ىنتالاندىرۋشى قوسىمشا تولەم («كوتەرمە اقى» ) رەتىندە 500000 تەڭگەلىك كاۋلىكتى بەكىتتى. وعان ۇمىتكەرلەردى ىرىكتەۋ باستاۋىش كاسىپوداق ۇيىمىنىڭ ءوتىنىشى نەگىزىندە جۇزەگە اسىرىلىپ، «SENIM» كاسىپوداعىنىڭ وبلىستىق اتقارۋ كوميتەتى مەن وبلىستىق دەنساۋلىق ساقتاۋ باسقارماسىنىڭ شەشىمى بويىنشا جۇرگىزىلەدى» ، - دەلىنگەن رەسمي حابارلامادا.
كۋالىككە يە بولعان مامانمەن ارنايى شارت جاسالادى. وعان سايكەس، جاس مامان كەم دەگەندە ەكى جىل مەديتسينالىق مەكەمەدە جۇمىس ىستەۋگە مىندەتتى. بۇگىنگى تاڭدا باتىس جانە وڭتۇستىك وڭىرلەردىڭ 36 مامانى وسى سەرتيفيكاتقا يە بولىپ وتىر. الداعى ۋاقىتتا مەديتسينا سالاسىنىڭ جاس ماماندارىنا تاعى دا 30 كۋالىك تابىستالادى. جالپى، جىل سوڭىنا دەيىن جالپى سوماسى 40 ميلليون تەڭگەنى قۇرايتىن 80 سەرتيفيكات تاراتىلادى دەگەن جوسپار بار. وسى ورايدا ق ر كاسىپوداقتار فەدەراتسياسى جۇمىس بەرۋشىلەردى وسى باستاماعا قوسىلىپ، اۋداندار مەن اۋىلداردا قىزمەت ەتەتىن دەنساۋلىق ساقتاۋ سالاسىنىڭ جاس ماماندارىن قولداۋعا ۇندەپ وتىر.
«بۇگىندە جاس ماماندارعا قولداۋ كورسەتۋ ارقىلى ءبىز ەڭبەككەرلەردىڭ دەنساۋلىعىن جاقسارتامىز، جۇمىس ورىندارىنداعى الەۋمەتتىك قىزمەتكەرلەردىڭ بەدەلىن ارتتىرامىز، قازاقستاندىقتاردىڭ ءال- اۋقاتتى جاس بۋىنىن تاربيەلەۋگە جاردەمدەسەمىز!» ، - دەلىنگەن ۇيىمنىڭ ۇندەۋىندە.
